निर्यातीमध्ये सलग तिस-या महिन्यात झालेल्या वाढीमुळे मुंबई शेअर बाजारच्या निर्देशांकाने मंगळवारी दोन महिन्यांतील उच्चांक गाठला आहे.

मुंबई- निर्यातीमध्ये सलग तिस-या महिन्यात झालेल्या वाढीमुळे मुंबई शेअर बाजारच्या निर्देशांकाने मंगळवारी 243  अंकांनी उसळी घेत दोन महिन्यांतील उच्चांक गाठला आहे.  मुंबई शेअर बाजारच्या निर्देशांकाबरोबरच राष्ट्रीय शेअर बाजाराचा निर्देशांक अर्थात निफ्टीमध्येही 94.70 अंकांनी वाढ झाली.  

केंद्रीय अर्थमंत्री प्रणव मुखर्जी यांनी गेल्याच आठवड्यात सादर केलेल्या अर्थसंकल्पाचा सकारात्माक परिणाम बाजारावर दिसून आला.  त्याच बरोबर देशाच्या निर्यातीने जानेवारी महिन्यात 11.5 टक्के वाढ नोंद केल्याचा परिणाम बाजारात खरेदीचा जोर वाढला.

मंगळवारी दिवशभरात सर्वाधिक मागणी वाहन, धातू, बँकांच्या समभागांना होती. कामकाज संपले तेव्हा मुंबई शेअर बाजाराचा निर्देशांक 16 हजार 773 अंकांवर स्थिरावला. त्यावेळी त्यात ३४३.०१ वाढ झाली. राष्ट्रीय शेअर बाजाराचा निर्देशांक 5017 अंकांवर बंद झाला.

Marathi Online News