विदेशी निधी संस्थांनी केलेल्या तुफान खरेदीमुळे सेन्सेक्सने तब्बल सहा आठवडय़ांनंतर पुन्हा 17 हजार अंकांचे शिखर सर करत 227 अंकांच्या वाढीची नोंद केली.

मुंबई- वित्तमंत्री प्रणव मुखर्जी यांच्या अर्थसंकल्पावर फिदा होऊन दलाल स्ट्रिटवर सुरू झालेला खरेदी अजूनही थांबली नाही. त्यातच बुधवारी विदेशी निधी संस्थांनी केलेल्या तुफान खरेदीमुळे सेन्सेक्सने तब्बल सहा आठवडय़ांनंतर पुन्हा 17 हजार अंकांचे शिखर सर करत 227 अंकांच्या वाढीची नोंद केली.

मुंबई शेअर बाजाराबरोबरच राष्ट्रीय शेअर बाजारातील निफ्टीच्या निर्देशांकातही 71.10अंकांची वाढ होऊन तो 50008.10 अंकांच्या पातळीवर गेला. विदेशी गुंतवणूकदार संस्थांनीही खरेदीचा जोर वाढविला असल्याने तेल आणि वायू, स्थावर मालमत्ता, ऊर्जा, एफएमसीजी आणि बॅँकिंग या सर्वच क्षेत्रीय निर्देशांकांनी भरारी घेतली.

Marathi Online News