प्रहारच्या फेसबुक पेजला 'लाइक' करा

महाराष्ट्रासह दिल्ली, ओरिसा, पश्चिम बंगाल, गुजरात, हरियाणा, तमिळनाडू आणि आंध्र प्रदेश या सात राज्यांतील 12 सेझ प्रकल्प केंद्र सरकारने रद्द केले असल्याची माहिती राज्यसभेत गुरुवारी देण्यात आली.

नवी दिल्ली- महाराष्ट्रासह दिल्ली, ओरिसा, पश्चिम बंगाल, गुजरात, हरियाणा, तमिळनाडू आणि आंध्र प्रदेश या सात राज्यांतील 12 सेझ प्रकल्प केंद्र सरकारने रद्द केले असल्याची माहिती राज्यसभेत गुरुवारी देण्यात आली.

दिल्ली, ओरिसा, गुजरात आदी राज्य/केंद्रशासित प्रदेशांमध्ये असलेल्या 13 सेझ प्रकल्पांच्या विकासकांकडून सेझ नामनिर्देशन काढून घेण्याबाबत विनंती अर्ज करण्यात आले होते. यापैकी 12 सेझ प्रस्तावांना मान्यता मंडळाकडून मंजुरी देण्यात आली होती, अशी माहिती वाणिज्य आणि उद्योग राज्यमंत्री ज्योतिरादित्य शिंदे यांनी राज्यसभेत लेखी उत्तरात दिली.

‘ओएनजीसी’च्या ‘गुजरात सेझ’ला हिरवा कंदील

पेट्रोरसायन विभागासाठी सार्वजनिक क्षेत्रातील ओएनजीसी कंपनी उभारणार असलेल्या प्रस्तावित विशेष आर्थिक विभागाला (सेझ) पर्यावरण खात्याकडून हिरवा कंदील देण्यात आला आहे.

पर्यावरण खात्यातील तज्ज्ञांच्या मान्यता समितीच्या अलिकडेच झालेल्या बैठकीत गुजरातमधील भरूच येथे बांधण्यात येणार असलेल्या प्रस्तावित दाहेज सेझ प्रकल्पाला पर्यावरणदृष्ट्या मान्यता देण्यात आली. गुजरात औद्योगिक विकास महामंडळ आणि ओएनजीसी यांनी संयुक्तपणे स्थापन केलेल्या दाहेज सेझ लिमिटेड या कंपनीकडून विकसित करण्यात येणारा हा प्रकल्प अंदाजे  एक हजार 500 हेक्टर जागेवर असून त्यामध्ये विविध पेट्रोरसायन विभागांचा समावेश असेल.

या प्रकल्पासाठी एकूण खर्च 295 कोटी रुपये आहे. प्रकल्प पूर्ण क्षमतेपर्यंत विकसित झाल्यानंतर त्यात 50 ते 60 हजार कोटी रुपयांची गुंतवणूक अपेक्षित आहे.

Marathi Online News