प्रहारच्या फेसबुक पेजला 'लाइक' करा

बांधकाम तसेच ग्राहकोपयोगी वस्तू उद्योगातील समभागांची जोरदार खरेदी झाल्यामुळे मुंबई शेअर बाजारात सोमवारी तेजीचे वातावरण होते.

मुंबई- बांधकाम तसेच ग्राहकोपयोगी वस्तू उद्योगातील समभागांची जोरदार खरेदी झाल्यामुळे मुंबई शेअर बाजारात सोमवारी तेजीचे वातावरण होते. निर्देशांकात 143.51 अंकांनी वाढ होऊन तो 18,287.50 अंकांवर बंद झाला. निर्देशांकाचा हा गेल्या अडीच वर्षांतील उच्चांत आहे. यंदा पाऊस समाधानकारक होत असल्यामुळे एकंदर मागणीत वाढ होईल असे अपेक्षित आहे. याचा शेअर बाजारातील तेजीला हातभार लागला आहे.  

वाहन उद्योग, बँकिंग क्षेत्रांतील कंपन्यांच्या समभागांमध्ये वाढ झाली. मात्र रिलायन्सच्या समभागात प्रत्येकी 6.80 रुपयांची घसरण होत तो 993.50 वर बंद झाला. दुपारनंतरच्या सत्रात आशियाई आणि युरोपीय बाजारपेठेतील तेजीमुळे निर्देशांकात वाढ अनुभवायला मिळाली.

राष्ट्रीय शेअर बाजाराचा निर्देशांक अर्थात निफ्टीमध्ये 46.90 अंकांनी वाढ होऊन तो 5,486.15 अंकांवर बंद झाला.

Marathi Online News