चित्रपटाच्या प्रसिद्धीसाठी यू ट्युबसारख्या माध्यमाचा उपयोग आता मराठी चित्रपटांचे निर्मातेही करू लागले आहेत.

मुंबई- चित्रपटांच्या प्रसिद्धीसाठी पाण्यासारखा पैसा ओतणे आता नवीन राहिलेले नाही. वाहिन्यांवर जाहिरातींचे स्लॉट खरेदी करण्यापासून ते होर्डिग्ज-बॅनर्सपर्यंत अनेक माध्यमे चित्रपटांच्या प्रसिद्धीसाठी वापरली जातात. मराठीत क्वचितप्रसंगी वेबसाइटही तयार केली जाते. पण, मी ‘शिवाजीराजे भोसले बोलतोय’चे दिग्दर्शक संतोष मांजरेकर आणि ‘सुंदर माझं घर’चे दिग्दर्शक दिग्दर्शक प्रमोद प्रभुलकर यांनी त्यांच्या चित्रपटांच्या प्रसिद्धीसाठी ‘यू टय़ूब’चा आधार घेतला आहे.

अभिनेत्री मधुराणी प्रभुलकर यांनीच संगीतबद्ध केलेली गाणी आणि चित्रपटाचे प्रोमो  ‘यू टय़ूब’वर उपलब्ध आहेत. ‘शिवाजीराजे..’ ला यू टय़ूबवर तीन दिवसांत पाच हजार हिट्स मिळाले आहेत. ‘सुंदर माझं घर’बाबत ‘प्रहार’शी बोलताना प्रभुलकर म्हणाले की, जगभरात इंटरनेट वापरणा-यांची संख्या वाढत चालली आहे. ‘यू टय़ूब’ आणि वेबसाईटसारख्या माध्यमातून फुकटात लाखो लोकांपर्यंत पोहोचता येते. परंतु, बहुतांश मराठी निर्माते या तंत्रज्ञानाच्या क्रांतीबद्दल अजूनही अनभिज्ञ आहेत. सुदैवाने माझ्या सहवासातील लोकांमुळे इंटरनेटचे महत्व, ताकद आणि उपयुक्तता याची मला जाणीव आहे. त्यातूनच ‘सुंदर माझं घर’ची गाणी आणि प्रोमो आम्ही ‘यू टय़ूब’वर उपलब्ध केली आहेत.

Marathi Online News