भारतीय शास्त्रीय संगीत केवळ आपल्या देशापुरते सीमित राहिले नाही तर या संगीताकडे जगाचा ओढा आहे. कारण हे संगीत ईश्वराशी नाते जोडणारे आहे, असे मत केंद्रीय अवजड उद्योगमंत्री विलासराव देशमुख यांनी शनिवारी येथे व्यक्त केले.

लातूर- भारतीय शास्त्रीय संगीत केवळ आपल्या देशापुरते सीमित राहिले नाही तर या संगीताकडे जगाचा ओढा आहे. कारण हे संगीत ईश्वराशी नाते जोडणारे आहे, असे मत केंद्रीय अवजड उद्योगमंत्री विलासराव देशमुख यांनी शनिवारी येथे व्यक्त केले.

भारतीय शास्त्रीय संगीत शिकण्यासाठी परदेशातून लोक येत आहेत. हे संगीत कितीही ऐकले तरी त्यातील गोडी कमी होत नसल्याचे सांगतानाच हे संगीत ईश्वराकडे नेणारे असल्याचे त्यांनी सांगितले. परंतु आपल्याला सर्व काही झटपट हवे असते. मात्र हे संगीत सिनेमातील गाण्यासारखे नसल्याचा उल्लेख त्यांनी केला.

स्वामी रामानंदतीर्थ यांचे मराठवाडय़ाशी अत्यंत जवळचे नाते आहे, असे सांगून त्यांच्यामुळे हैदराबाद राज्यातून मराठवाडा मुक्त होऊन महाराष्ट्रात सहभागी झाला. त्यासाठी स्वामीजींनी दिलेले योगदान खूप मोठे असून मराठवाडा ते कदापि विसरू शकत नसल्याचे ते म्हणाले.

Marathi Online News