वायव्य पाकिस्तानातील खैबर प्रांतात मंगळवारी सकाळी एका प्रवासी ट्रकमध्ये झालेल्या भीषण बॉम्बस्फोटात 29 जण ठार तर 40 हून अधिक जखमी झाले.

जामरूड येथील बस स्थानकावर प्रवासी ट्रक उभा असताना त्यात भीषण बॉम्बस्फोट झाला. यावेळी ट्रकमध्ये बसलेले सर्व प्रवासी जागीच ठार झाले. जखमी प्रवाशांना रुग्णालयात दाखल करण्यात आले आहे. मृतांचा आकडा वाढण्याची शक्‍यता आहे.

या बॉम्बस्फोटामुळे जवळच्या पेट्रोल पंम्प आणि काही गाड्यांचे नुकसान झाले आहे.

या बॉम्बस्फोटाची जबाबदारी अद्याप कोणत्याही संघटनेने घेतलेली नसून बॉम्बस्फोटामागचे कारण समजू शकलेले नाही.

Marathi Online News