भारताने अबु सालेमवर असे कोणतेही आरोप लावू नयेत ज्यात त्याला जन्मठेपेची शिक्षा होईल किंवा 25 वर्षापेक्षा अधिक शिक्षा होईल, असे पोर्तुगालने त्याचे भारतात प्रत्यार्पण करताना म्हटले होते. मात्र त्यानंतरही भारतात त्याच्यावर असे खटले चालवण्यात येत असल्याचे पोर्तुगालच्या उच्च न्यायालयाने म्हटले होते. आता सर्वोच्च न्यायालयानेही या निर्णयावर शिक्कामोर्तब केल्याने सीबीआयला चांगलाच धक्का बसला आहे. या निर्णयाविरोधात सीबीआय आता पोर्तुगालच्या घटनापीठाकडे दाद मागणार आहे. सालेमवरील खटल्यांच्या सुनावणीवर याचा परिणाम होणार नसल्याचे सीबीआयच्या प्रवक्त्यांनी म्हटले आहे.