सिरियाच्या लष्कराने होम्स शहरातील हल्ल्यात सुमारे 200 जण ठार तर शेकडो जण जखमी झाल्याची माहिती आंदोलकांनी दिली आहे.

बैरुट- सिरियाच्या लष्कराने होम्स शहरातील हल्ल्यात सुमारे 200 जण ठार तर शेकडो जण जखमी झाल्याची माहिती आंदोलकांनी दिली आहे. उठावादरम्यान लष्कराकडून करण्यात आलेला हा सर्वात मोठा हल्ला असल्याचे सांगण्यात आले. मात्र, सिरियाच्या सरकारने या वृत्ताचे खंडन केले आहे. दरम्यान, शुक्रवारी रात्रीपासून लष्कराने केलेल्या हल्ल्यात अनेक महिला आणि मुलांसह 200 जण ठार झाल्याचे आंदोलकांनी सांगितले.

सिरियातील अराजकता संपवण्यासाठी संयुक्त राष्ट्रांच्या सुरक्षा परिषदेत राष्ट्राध्यक्ष बशर असाद यांनी पायउतार व्हावे, अशी मागणी अरब राष्ट्रांनी केली होती. त्या ठरावावर सुरक्षा परिषदेत मतदान होणार आहे. त्या पार्श्वभूमीवर होम्स शहरावर हल्ला करण्यात आल्याचे म्हटले जात आहे.

Marathi Online News