इराकमध्ये पोलिसांत असलेल्या दोन भावांच्या घरावर गुरुवारी झालेल्या बॉम्बस्फोटात 13 जण ठार झाले.

बगदाद- इराकमध्ये पोलिसांत असलेल्या दोन भावांच्या घरावर गुरुवारी झालेल्या बॉम्बस्फोटात 13 जण ठार झाले. या स्फोटात चार जण जखमी झाले आहेत.

बगदादपासून 60 किलोमीटरवर दक्षिण मुसायिब येथे पोलिसांत असलेले अहमद आणि जिहाद जुवेयिन या बंधुच्या घरावर भारतीय वेळेनुसार सकाळी साडेसहाच्या सुमारास हा स्फोट झाला. यावेळी झोपेत असलेले कुटुंबातील दहा जण या स्फोटात ठार झाले. 

घराच्या बाहेरील भिंतीवर बॉम्ब ठेवण्यात आला असल्याचे एका पोलिस अधिका-याने सांगितले.

यादरम्यान किरकुक या शहरात एका शाळेजवळ दुचाकीमध्ये ठेवलेल्या बॉम्बचा स्फोट होऊन तीन जण ठार झाले.

अमेरिकेचे सैन्य परतल्यापासून इराकमधील हिंसा वाढली असल्याचे समजते. 

Marathi Online News