अमेरिकेच्या कमांडोंनी ज्या घरात घुसून दहशतवादी ओसामा बिन लादेनला ठार मारले, त्या घराजवळच्या लष्करी केंद्रावर शुक्रवारी काही अज्ञातांनी रॉकेट हल्ला केला.

इस्लामाबाद- अमेरिकेच्या कमांडोंनी ज्या घरात घुसून दहशतवादी ओसामा बिन लादेनला ठार मारले, त्या घराजवळच्या लष्करी केंद्रावर शुक्रवारी काही अज्ञातांनी रॉकेट हल्ला केला.

गेल्यावर्षी मे महिन्यात अमेरिकन नेव्ही सीलच्या पथकाने वायव्य पाकिस्तानातील अबोटाबाद शहरात लपून बसलेल्या लादेनला घरात शिरून ठार मारले होते. तेव्हापासून या घराला खास महत्त्व प्राप्त झाले आहे.

या घराच्या कंपाउंडशेजारीच लष्कराचे प्रशिक्षण केंद्र आहे. या दोन्हींच्या मधोमध एक रॉकेट येऊन आदळल्याने प्रशिक्षण केंद्राच्या भिंतीचा काही भाग कोसळला असला, तरी कुठलीही जीवितहानी झाली नसल्याचे वरिष्ठ पोलिस अधिकारी अब्दुल करीम यांनी सांगितले.

हा हल्ला कोणी केला याचा पोलिस तपास करत आहेतय

Marathi Online News