नैऋत्य पाकिस्तानातील क्वेटा या शहरात झालेल्या बॉम्बस्फोटात सहा जण ठार झाले असून 20जण जखमी झाल्याचे पोलिसांनी सांगितले.

इस्लामाबाद- नैऋत्य पाकिस्तानातील क्वेटा या शहरात झालेल्या बॉम्बस्फोटात सहा जण ठार झाले असून 20जण जखमी झाल्याचे पोलिसांनी सांगितले. जखमींमध्ये लहान मुलाचा समावेश असून त्यांना जवळच्या रुग्णालयात दाखल करण्यात आले आहे. दोघांची प्रकृती चिंताजनक आहे.

बलुचिस्तान प्रांताचे माजी मुख्यमंत्री मीर मोहम्मद नसीर मेंगल यांचा मुलगा शफीक मेंगल यांच्या घराजवळ हा स्फोट झाला. एका कारमध्ये हा बॉम्ब ठेवण्यात आला होता. या स्फोटात मेंगल यांना कोणतीही दुखापत झाली नाही मात्र त्यांच्या इमारतीचे किरकोळ नुकसान झाल्याचे पोलिसांनी सांगितले.

या स्फोटाची जबाबदारी कोणत्याही संघटनेने घेतलेली नाही.

Marathi Online News