ओबामा सरकारमध्ये माहिती तंत्रज्ञानात महत्त्वाची जबाबदारी सांभाळणारे भारतीय अनीश चोप्रा यांनी तीन वर्षाच्या सेवेनंतर पदाचा राजीनामा दिला.

वॉशिंग्टन-ओबामा सरकारमध्ये माहिती तंत्रज्ञानात महत्त्वाची जबाबदारी सांभाळणारे भारतीय अनीश चोप्रा यांनी तीन वर्षाच्या सेवेनंतर पदाचा राजीनामा दिला. अमेरिकेच्या प्रशासनातील ते पहिलेच मुख्य तंत्रज्ञान अधिकारी आणि सर्वोच्च पदावरील भारतीय वंशाचे अमेरिकन होते. नवीन तंत्रज्ञान विकसीत करण्यात तसेच प्रशासनाने तंत्रज्ञानाच्या क्षेत्रात ठरवलेल्या ध्येयापर्यंत पोहचण्यासाठी अनीश यांचा मोलाचा वाटा आहे. राजकारणात भवितव्य आजमावण्यासाठी अनीष यांनी राजीनामा दिल्याचे माहितगारांकडून सांगण्यात येत आहे.

अमेरिकेतील तंत्रज्ञान क्षेत्रात अनीश यांनी महत्त्वाची कामगिरी बजावली आहे. ग्रामीण भागात ब्रॉडबँडची कक्षा वाढवणे, सरकारी नोंदी अद्ययावत करणे यासारख्या कामात त्यांनी भरीव कामगिरी केली आहे. त्यांनी केलेल्या कार्याचा अमेरिकेतील जनतेला निश्चितच फायदा होईल असे अमेरिकेचे अध्यक्ष बराक ओबामा यांनी पत्रकात म्हटले आहे.

Marathi Online News