पाकिस्तानचे पंतप्रधान युसूफ रझा गिलानी यांनी आपण कोणा एका व्यक्तीला उत्तर देण्यास बांधील नसून आपले उत्तरदायित्व संसदेशी असल्याचे रविवारी स्पष्ट केले.

इस्लामाबाद - पाकिस्तानचे पंतप्रधान युसूफ रझा गिलानी यांनी आपण कोणा एका व्यक्तीला उत्तर देण्यास बांधील नसून आपले उत्तरदायित्व संसदेशी असल्याचे रविवारी स्पष्ट केले. याशिवाय गिलानी  यांनी लष्कर व आयएसआय यांच्याबाबत केलेले विधान मागे घ्यावे हे राष्ट्रपती आसिफ अली झरदारी यांचे विधानही त्यांनी खोडून काढले.

मेमोगेटप्रकरणी कयानी आणि आयएसआयचे प्रमुख शुजा पाशा यांनी न्यायालयात महत्त्वपूर्ण दस्तऐवज सादर केल्यासंदर्भात गिलानी यांनी कयानी यांच्यावर तीव्र टीका केली होती. गिलानींच्या वक्तव्यासंदर्भात कयानी यांनी राष्ट्रपतींशी चर्चा करून गिलानी यांनी त्यांची वक्तव्ये मागे घ्यावी किंवा त्यावर स्पष्टीकरण द्यावे, अशी मागणी केली होती.

घटनेच्या 91 व्या कलामान्वये मी व सर्व मंत्री संसदेला उत्तर देण्यास बांधील आहे असे गिलानी म्हणाले.

Marathi Online News