थाने चक्रीवादळाचा सर्वाधिक फटका बसलेल्या कुड्डालोर आणि पुदुचेरीतील जनजीवन सुरळीत करण्यासाठी प्रशासनाने युद्धपातळीवर मदतकार्य हाती घेतले असले तरी बळींची संख्या वाढतच असून ती 47 झाली आहे.

कुड्डालोर- थाने चक्रीवादळाचा सर्वाधिक फटका बसलेल्या कुड्डालोर आणि पुदुचेरीतील जनजीवन सुरळीत करण्यासाठी प्रशासनाने युद्धपातळीवर मदतकार्य हाती घेतले आहे. वीजपुरवठा आणि जीवनावश्यक वस्तूंचा पुरवठा सुरळीत करण्यावर भर दिला जात आहे. त्याचबरोबर वादळामुळे कोसळून पडलेली झाडे आणि ढिगारेही उचलण्यात आले आहेत. या भागातील वीजपुरवठा सुरळीत होण्यासाठी एक आठवडा लागण्याची शक्यता आहे. कुड्डालोर जिल्हय़ात दुर्गम भागात आणखी पाच जणांचा वादळामुळे बळी गेल्यामुळे बळींची एकूण संख्या आता 47 वर पोहोचली आहे. थानेमुळे तामिळनाडूत 40 तर पुदुचेरीत सात जण बळी गेले आहेत. दरम्यान, खराब हवामान कायम असल्यामुळे मंगळवारी केंद्रीय गृहमंत्री पी. चिदंबरम यांनी चक्रीवादळाचा फटका बसलेल्या भागाची पाहणी करण्याचा नियोजित दौरा रद्द केला आहे.

Marathi Online News