याहू कंपनीचे सह-संस्थापक जेरी यांग यांनी बुधवारी पदाचा राजीनामा दिला.

न्यूयॉर्क- याहू कंपनीचे सह-संस्थापक जेरी यांग यांनी बुधवारी पदाचा राजीनामा दिला.

यांग यांनी संचालक पदासोबत याहू कंपनीच्या सर्व पदांचा राजीनामा दिला असल्याचे याहूने म्हटले आहे. यामध्ये याहू जपान कार्पोरेशन आणि अलिबाबा ग्रुप लिमिटेड या कंपन्यांतूनही यांग यांना भारमुक्त केले आहे. यांग याहूचे प्रमुख म्हणून कार्यरत होते.

याहुच्या कार्यकारी प्रमुखपदी स्कॉट थॉम्पसन यांची नियुक्ती झाल्यापासून दुस-या आठवड्यातच यांग यांनी राजीनामा दिला आहे.

"सुमारे 17 वर्षांपूर्वीपासून मी कंपनीचा सहसंस्थापक आहे.कंपनीच्या स्थापनेपासून ते आजपर्यंतच्या आयुष्यात मला खूप चांगला आणि रोमहर्षक अनुभव आला. सध्या याहू कंपनी सोडून दुस-या क्षेत्रात उल्लेखनीय कार्य करण्यासाठीची वेळ आली आहे" असे यांग यांनी राजीनामा पत्रात म्हटले आहे.

1995 मध्ये यांग आणि त्यांचे स्टॅनफोर्ड विद्यापीठातील वर्गमित्र डेव्हिड फिलो या दोघांनी मिळून याहूची  स्थापना केली होती.

Marathi Online News