प्रहारच्या फेसबुक पेजला 'लाइक' करा

यंत्रमानव भविष्यात डॉक्टरांचीच जागा घेणार आहेत. ते एकहाती मानवी देहाची चिरफाड करून त्याच्या शरीरातलं दुखणं अलगद निपटून काढतील, असे प्रयोग सुरू आहेत.

सुसज्ज अशा मोठय़ा इस्पितळात महत्त्वाची शस्त्रक्रिया सुरू आहे, पण ऑपरेशन थिएटरमध्ये डॉक्टरच हजर नाही. ही कल्पना कशी वाटते? अशक्य ना! पण, लवकरच ती सत्यात उतरणार आहे. अलिकडे काही विशिष्ट रचनेच्या यंत्रमानवाचा आधार घेऊन डॉक्टर मंडळी शस्त्रक्रिया करताना दिसतात. प्रमुख इस्पितळात हा प्रकार सर्रास आढळू लागलाय, पण हे यंत्रमानव भविष्यात डॉक्टरांचीच जागा घेणार आहेत. ते एकहाती मानवी देहाची चिरफाड करून त्याच्या शरीरातलं दुखणं अलगद निपटून काढतील.

एका बाजूने यंत्रमानवांचा विध्वंसक शस्त्र म्हणून वापर करून त्यांना नरसंहार करण्यास प्रवृत्त केलं जात आहे, तर दुस-या बाजला ते मानवी जीविताला वाचवण्याच्या कामी राबवले जात आहेत. मानवी जीवनातला हा एक ठळक विरोधाभास आहे. या प्रकाराची विध्वंसक अस्त्रं युरोप, अमेरिका, कॅनडा, दक्षिण कोरिया, द. आफ्रिका, सिंगापूर आणि इस्रयल या देशात तयार आहेत. किंबहुना, ती रशिया, चीन, भारत या देशांतही आता तयार होऊ लागली आहेत. भारतात मानवरहित बाँबफेकी विमाने वापरात आहेत, परंतु अशा प्रकारच्या यंत्रमानवी अस्रत खूप मोठा धोका दडलेला आहे, असं मत अमेरिकेतील रॉयल युनायटेड सव्‍‌र्हिसेसचे संशोधक प्रा. नोएल शार्की यासारख्या तज्ज्ञांचं मत आहे.

Marathi Online News