प्रहारच्या फेसबुक पेजला 'लाइक' करा

देशातील औद्योगिक प्रगतीचा इतिहास किर्लोस्कर कुटुंबीयांच्या योगदानाची दखल घेतल्याशिवाय पुरा होत नाही, असे प्रशंसोद्गार केंद्रीय कृषिमंत्री शरद पवार यांनी किर्लोस्करवाडीत व्यक्त केले.

सांगली- देशातील औद्योगिक प्रगतीचा इतिहास किर्लोस्कर कुटुंबीयांच्या योगदानाची दखल घेतल्याशिवाय पुरा होत नाही, असे प्रशंसोद्गार केंद्रीय कृषिमंत्री शरद पवार यांनी किर्लोस्करवाडीत व्यक्त केले. किर्लोस्कर कारखान्याचे संस्थापक लक्ष्मणराव किलरेस्कर यांनी स्थापन केलेल्या किर्लोस्करवाडी या गावाला 100 वर्षे पूर्ण झाल्यानिमित्त किर्लोस्करवाडीत झालेल्या कार्यक्रमात ते बोलत होते.

प्रतिकूल परिस्थितीवर जिद्दीने व कष्टाने मात करून यश संपादन करता येते, असा मंत्र किर्लोस्कर उद्योग समूहाने देशाला दिल्याचे पवार यांनी यावेळी सांगितले. सविता भावे लिखित ‘क था किर्लोस्करवाडीची’ या पुस्तकाचे प्रकाशन शरद पवार यांच्या हस्ते झाले. ‘आधी बीज एकले’ या टेलिफिल्मच्या सीडीचे प्रकाशन सांगलीचे पालकमंत्री पतंगराव कदम व आयसीपी पंपांचे अनावरण ग्रामविकासमंत्री जयंत पाटील यांच्या हस्ते झाले.

किलरेस्करांनी शेतीला नवी दिशा दिली. पंप्स हीच किर्लोस्करांची जगभर ओळख बनली आहे. स्वदेशी संकल्पनेचा पुरस्कार करीत, कळत-नकळत स्वातंत्र्य आंदोलनास किर्लोस्करांनी मदत केली आहे. भारतीय लोक जागतिक दर्जाचे उत्तम काम करू शकतात, हे किर्लोस्करांनी सर्वप्रथम दाखवून दिले आहे, असेही पवार म्हणाले. 

Marathi Online News