राष्ट्रकुल घोटाळ्याप्रकरणी तिहार तुरुंगातून नऊ महिन्यानंतर जामीनावर सुटलेले खासदार सुरेश कलमाडी यांचे शनिवारी पुण्यात जंगी स्वागत करण्यात आले.

पुणे- राष्ट्रकुल घोटाळ्याप्रकरणी तिहार तुरुंगातून नऊ महिन्यानंतर जामीनावर सुटलेले खासदार सुरेश कलमाडी यांचे शनिवारी पुण्यात जोरदार स्वागत करण्यात आले.

काँग्रेसचे अनेक नगरसेवक, समर्थक आणि पदाधिका-यांनी पुणे विमानतळावर कलमाडींच्या स्वागतासाठी गर्दी केली होती. कलमाडींना विमानतळाबाहेर येण्यासाठी पंधरा ते वीस मिनिटे उशीर झाला. कलमाडी बाहेर येताच  कार्यकर्त्यांनी जल्लोष केला.

पुणे महापालिका निवडणुकांमध्ये कलमाडींची नेहमीच महत्त्वाची भूमिका राहिली असून उमेदवारी अर्ज मागे घेण्याच्या दिवशी कलमाडी पुण्यात दाखल झाले आहेत. पुण्यामध्ये कलमाडींना माननारा गट असल्याने त्यांच्या आगमनामुळे पुण्यात काँग्रेसला बळ मिळेल असे बोलले जात आहे. असे असले तरी, कलमाडींचे निलंबन झाले असून ते प्रचारात भाग घेणार नाहीत असे काँग्रेसचे महाराष्ट्र प्रदेशाध्यक्ष माणिकराव ठाकरे यांनी यापूर्वीच जाहीर केले आहे.

Marathi Online News