तमिळ चित्रपटातील एका अभिनेत्रीला वेश्याव्यवसाच्या आरोपाखाली शनिवारी सायंकाळी अटक केल्याचे पुणे पोलिसांनी रविवारी सांगितले.

पुणे- तमिळ चित्रपटातील एका अभिनेत्रीला वेश्याव्यवसाच्या आरोपाखाली शनिवारी सायंकाळी अटक केल्याचे पुणे पोलिसांनी रविवारी सांगितले. अभिनेत्री कॅरोलिन मारिया असान (22) आणि तिचा व्‍यवस्‍थापक एम. राजकुमार  (32) यांना विमान नगर येथील एका पंचतारांकित हॉटेलमधून अटक केले.

" पोलिसांनी नकली गि-हाईक पाठवून राबवलेल्या या मोहिमेत कॅरोलिनला अटक केले.चेन्नईमध्ये लोकप्रिय असलेल्या कॅरोलिनने 'रेन','वदचलम' यासारख्या चित्रपटात काम केले आहे," असे गुन्हे शाखेचे वरिष्ठ पोलिस निरीक्षक भानुप्रताप बर्गे यांनी सांगितले.

याशिवाय कॅरोलिनने चेन्नई आणि बंगळूरु येथे हिरे निर्मिती कंपनी व टेक्‍सटाईल कंपन्‍यांसाठी मॉडेलिंगचे कामही केल्याचे बर्गे यांनी नमूद केले. एम. राजकुमार याचा स्‍वत:चा फिल्‍म स्‍टुडिओ आहे.

याप्रकरणी विमान नगर पोलिस स्‍थानकात गुन्‍हा नोंद झाला असून अधिक तपास सुरू आहे.

Marathi Online News