‘अस्मी प्रॉडक्शन’चं तिसरं पुष्प, जयवंत दळवी यांचं ‘पुरुष’ हे नाटक प्रेक्षकांच्या भेटीला येत आहे.

मराठी व्यावसायिक रंगभूमीच्या सुवर्णकाळात नाटय़ रसिकांच्या मनावर अधिराज्य गाजवणारी नाटकं नव्या रूपात, नव्या संचात करण्याचा ट्रेंड सुनील बर्वे यांच्या ‘हर्बेरियम’ने आणल्यानंतर नीलम शिर्के यांनीही पन्नास जुनी नाटकं रंगभूमीवर आणण्याची घोषणा केली होती. त्यांच्या ‘अस्मी प्रॉडक्शन’ने ‘बॅरिस्टर’ आणि ‘मोरुची मावशी’ ही दोन नाटकं आणून त्याची सुरूवात केली होती. आता ‘अस्मी प्रॉडक्शन’चं तिसरं पुष्प, जयवंत दळवी यांचं ‘पुरुष’ हे नाटक प्रेक्षकांच्या भेटीला येत आहे.

या नव्या ‘पुरुष’चं मोहन जोशी करणार असून ते गुलाबरावची व्यक्तिरेखाही साकारणार आहेत. अंबिकाच्या भूमिकेत श्रृता प्रभूदेसाई, आईच्या भूमिकेत ज्योती चांदेकर, तर मथुराच्या भूमिकेत रसिका धामणकर आहेत. मयूर खांडके आणि रामकृष्ण गाडगीळ अनुक्रमे सिद्धार्थ आणि बाबांची भूमिका साकारत आहेत. बाबा धुरी यांचं संगीत असून नेपथ्य बाबा पार्सेकर यांचं आहे. महेंद्र भांबिड यांनी प्रकाशयोजना केली आहे.

या नाटकाचे केवळ पंचवीस प्रयोग होणार असून शुभारंभाचा प्रयोग 18 फेब्रुवारी रोजी डॉ. काशिनाथ नाटय़गृहात होणार आहे.

Marathi Online News