गली गली प्यार है

‘व्हॅलेंटाइन्स डे’चं काउंटडाऊन सुरू झालंय. तो कसा आणि कुठे साजरा करायचा याचं प्लानिंगही सर्वत्र जोरात सुरू आहे. फिरायला कुठे जायचं, हा त्यादिवशी सतावणारा हमखास प्रश्न. जवळचाच एखादा स्पॉट निवडायचं म्हटलं तर घरातलं, शेजारपाजारचं कुणी भेटण्याची भीती. कॉलेजच्या जवळपासचं ठिकाण निवडायचं म्हणजेच आपलेच मित्रमैत्रिणी (मुद्दाम) कंपनी देण्याचा धोका. असं असलं तरी या दिवशी ‘यहां प्यार है’ म्हणत शहराची ‘गली गली’ गजबजून जाईल.  

बँड स्टँड

मुंबईतला सर्वात फेमस, कूल स्पॉट म्हणजे वांद्रय़ातूला बँडस्टँड. भग्न तरीही सौंदर्यपूर्ण भग्नावस्थेतल्या प्राचीन किल्ल्याचा अवशेष असलेच्या या बँडस्टँडकडे प्रेमी युगुलांची पावलं आपोआपच वळतात. इथल्या मोठमोठय़ा दगडांवर बसून सागराकडे एकटक बघत भविष्याची स्वप्नं रंगवण्यात या जोडय़ा गुंग असतात. संध्याकाळी समुद्राच्या लाटांवर स्वार होऊन येणारा वाऱ्याचा झोत प्रियकराच्या हातात हात गुंफून अनुभवणं निव्वळ रोमँटिक. बँड स्टँड हे ठिकाण थोडय़ा वेळासाठी का होईना आजूबाजूच्या जगाचा विसर पाडायला लावतं, असं प्रेमवीरच सांगतात. व्हॅलेंटाइन्स डेला इथे गर्दी नसली तरच नवल.     

फाइव्ह गार्डन

नरिमन पॉइंट

जुहू बीच

कॅफे/ डिस्को

अ लॉट कॅन हॅपन्ड् ओव्हर कॅफे, हे तर सीसीडीचं स्लोगनच आहे. इथल्या मंद लयीतील संगीतासोबत कॉफीचा आस्वाद घेत हितगूज करण्याचा आनंद आगळाच आहे.  डिस्को, पबमध्ये म्युझिकच्या ठेक्यावर पार्टनरसोबत ताल धरणं अधिक पसंत करतात.

सिनेमा हॉल/ मल्टिप्लेक्स

 आपल्या प्रेमाच्या माणसासोबत एखादा फ्लॉप सिनेमा पाहण्यातही आनंद असतो. सिनेमा हॉल आणि मल्टिप्लेक्सच्या कोपऱ्यात नजर टाकली तर याची प्रचिती येतेच. बाहेर हिंडायचा कंटाळा आला असेल तर चार भिंतींच्या आत एका जागेवर बसून काळोखात पिक्चर बघण्याचा (!) पर्याय सर्रास निवडला जातो.