प्रहार दिवाळी अंक
मी...आमचा, आपला!
माझ्या जीवनात मी ‘संसार’ या शब्दाला फार महत्त्व देतो. ‘सुखी संसार’ व्हावा यासाठी जीवनात मी अनेक गोष्टी केल्या, अनेक गोष्टींचा त्याग केला. त्यामुळे मी संसारात यशस्वी झालो. माझ्या यशामध्ये माझी पत्नी नीलम, मुलगा नीलेश व सून प्रियांका, नीतेश तसेच माझे मित्र यांचा मोठा वाटा आहे. जीवनात मी पूर्णपणे निर्व्यसनी राहिलो हेही यशाचे कारण आहे.
तिठ्यावरचे तवांग
तवांगची वेदना ‘तिठय़ावरच्या गावा’ची आहे. ते तिघांनाही हवे असते आणि त्याच वेळी ते कोणाचेही नसते! हिमालयाच्या दक्षिणेकडील पाणलोट क्षेत्रात, म्हणजे भौगोलिकदृष्टय़ा भारतात; तिबेटी लामांनी ३५० वर्षापूर्वी इथे बांधलेल्या मठामुळे सांस्कृतिकदृष्टय़ा तिबेटी परंपरेशी जवळीक असलेले आणि त्याच आधारावर स्वामित्वाचा हक्क सांगण्यात येत असल्याने चीनच्या सावटाखाली अशा तिहेरी पेचात तवांग सापडले आहे. तवांगवासीय गेली अनेक वर्षे ‘आयडेंटिटी क्रायसिस’च्या लढाईला तोंड देत आहेत. त्यांचे भवितव्य काय असेल, हे सांगता येत नाही....
महारिकन अमेराष्ट्रीय
गंमतीचा भाग सोडा आणि या वर्णनावरून अमेरिकेतली मराठी माणसं माणूसघाणी आहेत, असा स्वस्त निष्कर्षही काढू नका. एकेकाळी अमेरिकेत जाणं हे तुकोबांच्या सदेह वैकुंठाला जाण्याइतकं नवलाईचं आणि रोमांचकारी होतं. त्या वेळी तर विमानप्रवास केलेल्या माणसाला भेटायलाही माणसं जमायची.. काशीला जाऊन आलेल्याच्या पाया पडल्यावर काशीयात्रेचं पुण्य लाभतं, अशातलाच तो प्रकार. पण, हल्लीच्या काळात मराठी माणसांचं परदेशांत, विशेषत: अमेरिकेत जाण्याचं प्रमाण खूप वाढलेलं आहे. नुसतं पर्यटनाला जाणारेही खूप आहेत. त्यामुळे, जसं आपल्याला अमेरिकेचं तेवढं कौतुक उरलेलं नाही, तसं तिथे राहणा-या मराठीजनांनाही सातासमुद्रापार मराठी माणूस भेटण्याचं उरलेलं नाही....अर्ध्या हळकुंडाची रास आणि क्रीडा
कारण काय आहे बाबा, या कन्यकासुद्धा तुमच्या ‘कन्येसारख्याच मराठी घरांतून आलेल्या आहेत, पालकांनी दिलेली ‘शिदोरी’ घेऊन- त्या शिदोरीत कॉमन असं काय आहे माहीतेय? मुलाहिजा. प्रत्येक गोष्टीचा, प्रसंगाचा, व्यक्तीचा मुलाहिजा बाळगतात त्या. आपल्या बबडीच्या अभ्यासक्रमात हा विषय ऑप्शनला टाकला ना तिने, म्हणून सगळा गोंधळ उडालाय. अहो, या मुलीसुद्धा गप्पा मारतात, सेटवर बागडतात, फोन कानाला लावून फिरत फिरत बोलत राहतात- पण कधी? काम चालू नसताना. मेकअप करतात तो भूमिकेनुसार- कारण भूमिकेच्या जवळ जाणारा मेकअप हा महत्त्वाचा मार्ग असतो- यांना वेगवेगळय़ा भूमिकांसाठी वेगवेगळा मेकअप करायचा ,अशी इच्छा असते- बबडी एकच एक प्रकारचा स्वत:चा मेकअप करते आणि मुली सेटवर येतात- सहकलाकारांसोबत काम करताना आपल्या बाजूने त्यात अधिक रंगत आणण्याचा प्रयत्न करायला- इथल्या तीनही खोल्यांत त्या सारखाच वेळ घालवतात आणि चांगल्या गोष्टी घेऊन जपून ठेवतात. ...