मल्टिप्लेक्स

सिमेंट-काँक्रिटच्या जंगलात मुलांना खेळायला जागा नाही आणि घरातच आता कम्प्युटर, टेलिव्हिजन, प्ले स्टेशन अशी इतकी प्रलोभनं आहेत की, मुलांनाही मैदानी खेळ खेळण्यात फारसा रस नाही. पालकही आपला सोन्या घरीच शांत बसलाय हे पाहून सुखावतात. पण तो घरकोंबडा होतोय, चारचौघांमध्ये मिसळत नाही, त्याची चतुरस्त्र वाढ होत नाही, हे त्यांच्या ध्यानातही येत नाही. ‘चिंटू’ नेमका हाच मुद्दा मांडतो, पण मनोरंजक पद्धतीने.