सांताकूझ पश्चिमेला एमएमआरडीएच्या स्काय वॉकचे काम सुरू असताना रविवारी सकाळी महापालिकेची पाइपलाइन फुटल्याने शेकडो लिटर पाणी वाया गेले.

मुंबई- सांताकूझ पश्चिमेला एमएमआरडीएच्या स्काय वॉकचे काम सुरू असताना रविवारी सकाळी महापालिकेची पाइपलाइन फुटल्याने शेकडो लिटर पाणी वाया गेले. जे. कुमार इन्फ्रास्ट्रक्चर या कंत्राटदार कंपनीला या ठिकाणचे काम देण्यात आले होते.

स्टेशन रोडवर असणा-या पोद्दार शाळेसमोर महापालिकेची ६ इंच व्यासाची पाइपलाइन आहे. महापालिका आयुक्त तसेच एमएमआरडीएचे सहप्रकल्प संचालक दिलीप कवठकर यांनी या घटनेला दुजोरा दिला असून या प्रकरणी दोषी आढळल्यास कंत्राटदारावर कडक कारवाई करण्याचे सूतोवाच केले.

Marathi Online News