प्रसारमाध्यमे, आदरातिथ्य, आयुर्विमा, बांधकाम व्यवसाय आदी क्षेत्रात अग्रेसर असणा-या ‘पर्ल्स’ या उद्योगसमूहाने समाजातील शोषित, वंचित स्त्रियांना न्याय मिळावा यासाठी ‘वेव्ह’ या सामाजिक संस्थेची स्थापना करण्याची घोषणा केली आहे.

मुंबई- प्रसारमाध्यमे, आदरातिथ्य, आयुर्विमा, बांधकाम व्यवसाय आदी क्षेत्रात अग्रेसर असणा-या ‘पर्ल्स’ या उद्योगसमूहाने समाजातील शोषित, वंचित स्त्रियांना न्याय मिळावा यासाठी ‘वेव्ह’ या सामाजिक संस्थेची स्थापना करण्याची घोषणा शनिवारी येथे केली. या वेळी सिनेसृष्टीतील सैफ अली खान, कतरीना कैफ, हरमन बावेजा आदी कलाकार उपस्थित होते.

भारतात तीनपैकी एका महिलेस कौटुंबिक अत्याचारास सामोरे जावे लागते. एकीकडे आपण महासत्ता होण्याची स्वप्ने पाहतो पण आपल्याच देशातील महिला आज असुरक्षित आहेत हे खेदजनक आहे. अशा महिलांना आधार देण्यासाठी व त्यांच्यावर अत्याचार करणा-यांना इशारा देण्यासाठी आम्ही संस्था स्थापन करत आहोत, असे ‘पर्ल्स’ उद्योगसमूहाचे अध्यक्ष ज्योतीनारायण यांनी स्पष्ट केले.

Marathi Online News