तहसीलदारांनी काम बंद ठेवण्याचे आदेश दिल्यानंतरही ‘इनक्रॉप’ कंपनीच्या व्यवस्थापनाने काम सुरू ठेवल्याने संतप्त ग्रामस्थांनी कंपनीचे काम बंद पाडले. त्यानंतर कंपनीच्या गुंडांनी ग्रामस्थांची दुकाने जाळली.

बोईसर- तहसीलदारांनी कंपनी उभारणीचे काम बंद ठेवण्याचे आदेश दिल्यानंतरही ‘इनक्रॉप’ कंपनीच्या व्यवस्थापनाने ते काम सुरू ठेवल्याने संतप्त झालेल्या ग्रामस्थांनी कंपनीचे काम बंद पाडल्यानंतर कंपनीच्या गुंडांनी ग्रामस्थांची दुकाने जाळल्याची घटना बुधवारी रात्री घडली. या प्रकरणी पोलिसांनी कंपनीला विरोध करणा-या ग्रामस्थांवर दंगलीचे गुन्हे दाखल केल्याचे समजते. त्यामुळे परिसरात तणावाचे वातावरण आहे.

वारांगडे-चुरीपाडा येथे गावाच्या मध्यभागी बेकायदा उभारण्यात येणा-या ‘इनक्रॉप’ कंपनीकडे जाण्यासाठी कोणताही स्वतंत्र रस्ता नसल्याने तसेच  कंपनीमुळे भविष्यात प्रदूषणाचा त्रास होण्याच्या शक्यतेने कंपनी उभारण्यास प्रखर विरोध आह़े त्यासाठी ग्रामस्थांनी ‘गाव बचाव संघर्ष समिती’ स्थापन केली आहे.

Marathi Online News