प्रहारच्या फेसबुक पेजला 'लाइक' करा

मेरुव्यतिरिक्त इतर कंपन्यांचे प्रतिनिधी नसल्यामुळे 26 ऑगस्टला निविदा उघडण्याच आल्या नाहीत. या योजनेला अपेक्षेइतका प्रतिसाद न मिळाल्याने ती तूर्तास पुढे ढकलण्याचा निर्णय या दिवशी घेण्यात आला होता. आता या प्रक्रियेला आणखी किमान सहा महिन्यांचा कालावधी लागेल, असे सूत्रांनी सांगितले.

मुंबई- परिवहन विभागाने मोठा गाजावाजा करीत शहरातील लब्धप्रतिष्ठितांसाठी फ्लीट टॅक्सींची संख्या वाढवण्याचा निर्णय घेतला. त्यासाठी परिवहन विभागाने तातडीने चार हजार टॅक्सी परवानेही मंजूर करत इच्छुक कंपन्यांकडून निविदा अर्ज मागवण्यात आले. पण, निविदा उघडण्याच्या दिवशी म्हणजे 26 ऑगस्टला इच्छुक 20 कंपन्यांपैकी ‘मेरू’ कंपनीव्यतिरिक्त दुस-या कुठल्याही कंपन्यांचे प्रतिनिधी निविदा प्रक्रियेत सहभागी झाले नाहीत. या कंपन्यांच्या अशा अघोषित बहिष्कारामुळे परिवहन विभागाच्या या योजनेला ब्रेक लागला असून ही निविदा प्रक्रिया किमान सहा महिन्यांनी पुढे ढकलली जाण्याची शक्यता असल्याची माहिती परिवहन विभागातील सूत्रांनी दिली.

मेरुव्यतिरिक्त इतर कंपन्यांचे प्रतिनिधी नसल्यामुळे 26 ऑगस्टला निविदा उघडण्याच आल्या नाहीत. या योजनेला अपेक्षेइतका प्रतिसाद न मिळाल्याने ती तूर्तास पुढे ढकलण्याचा निर्णय या दिवशी घेण्यात आला होता. आता या प्रक्रियेला आणखी किमान सहा महिन्यांचा कालावधी लागेल, असे सूत्रांनी सांगितले. त्यामुळे फ्लीट टॅक्सी मुंबईच्या रस्त्यांवर नेमक्या केव्हा उतरणार, याची माहिती घेण्यासाठी परिवहन सचिव सी. एस. संगीतराव यांना दूरध्वनी केला असता त्यांनी यासंदर्भात लवकरच निर्णय घेईल, असे सांगितले.

Marathi Online News