रिलॅक्स

रंगभूमीकडून जे मिळालं, त्याबद्दलची कृतज्ञता म्हणून सुनील बर्वेने आपल्या अभिनय कारकीर्दीच्या रौप्य महोत्सवी वर्षात ‘हर्बेरियम’ हा उपक्रम राबवला. उत्तम पॅकेज हे ‘हर्बेरियम’चं वैशिष्टय़ होतं. मराठी प्रेक्षकांना स्मरणरंजनात रमायला आवडतं हे गृहितक त्या मागे होतं. रंगभूमीशी बांधिलकी असलेले उत्तम दिग्दर्शक आणि कसलेले कलावंत हे ‘हर्बेरियम’चे प्रमुख?आधारस्तंभ होते. त्याचबरोबर, मर्यादित प्रयोग हा त्याचा यूएसपी होता. पहिल्या नाटकाच्या पहिल्या प्रयोगापासून हाऊसफुल्लचे बोर्ड नाटय़गृहांवर झळकल्यानंतरही सुनीलने हा शिरस्ता मोडला नाही.