सर्व साखळी सामने जिंकून सुवर्णपदक पटकावण्याची स्वप्ने बघणा-या भारतीय संघाला उपांत्य फेरीत मलेशियाकडून पराभव पत्करावा लागला होता. त्यानंतर गुरुवारी भारत आणि दक्षिण कोरियामध्ये कांस्यपदकासाठी लढत झाली.

गेल्या आशियाई क्रीडास्पर्धेत भारतीय संघ पाचव्या स्थानावर फेकला गेला होता. 2002 साली बुसान येथे झालेल्या आशियाई क्रीडास्पर्धेत भारताला रौप्यपदक मिळाले होते.

भारताच्या तुषार खांडेकरने 39व्या मिनिटाला गोल करून भारताला आघाडी मिळवून दिली. गोलकीपर भारत छेत्रीने अनेक गोल वाचवून भारतासाठी अप्रतिम कामगिरी केली.