भारताची नवी टेनीस जोडी महेश भूपती आणि रोहण बोपण्णा यांनी ऑस्ट्रेलियन ओपन स्पर्धेच्या दुस-या फेरीत प्रवेश केला.

मेलबर्न- भारताची नवी टेनीस जोडी महेश भूपती आणि रोहण बोपण्णा यांनी ऑस्ट्रेलियन ओपन स्पर्धेच्या दुस-या फेरीत प्रवेश केला. तर भारताचा लिएंडर पेस व त्याचा झेक प्रजासत्ताकचा जोडीदार रॅडीक स्टेपनेक यांनीही त्यांच्या प्रतिस्पर्ध्यांवर मात करत दुसरी फेरी गाठली.

भूपती- बोपण्णा यांनी ऑस्ट्रेलियाच्या मॅथ्यू एडन व ख्रिस गुस्सिन या जोडीचा 5-7 6-4 6-4 असा पराभव केला. पहिल्या सेटमध्ये ऑस्ट्रेलियन जोडीने वर्चस्व मिळवल्यानंतर पुढचे दोन्ही सेट भारतीयांनी जिंकले मात्र विजयासाठी भूपती- बोपण्णाला चांगलेच झुंजावे लागले.

दुस-या सामन्यात पेस- स्टेपनेक यांनी ऑस्ट्रेलियाच्याच ग्रेग जोन्स व जॉन पॅट्रीक या जोडीच 6-2,6-2 असा सरळ सेटमध्ये पराभव केला.

Marathi Online News