पहिले पान | क्रीडाजगत | राष्ट्रकुल क्रीडास्पर्धा | ऑल इज वेल

ऑल इज वेल

15 October, 2010 10:20:00 AM पीटीआय

फॉन्ट साईज

अनेक नकारात्मक बाबींमुळे चर्चेत आलेल्या राष्ट्रकुल क्रीडास्पर्धेत भारताने आत्तापर्यंतची सर्वोत्तम कामगिरी करत दुसरे स्थान पटकावले आहे.

नवी दिल्ली : सायना नेहवाल आणि ज्वाला गुत्ता-अश्विनी पोनप्पा यांनी बॅडमिंटनमध्ये पटकावलेल्या दोन सुवर्णपदकांच्या जोरावर भारताने गुरुवारी पदकतालिकेत इंग्लंडला मागे टाकले आणि ३८ सुवर्णपदकांसह दुसरे स्थान पटकावून खेळाच्या मैदानात राष्ट्रकुल स्पर्धेची बहारदार सांगता केली. पदकांची संख्या आणि पदकतालिकेतील स्थान या दोन्ही आघाडय़ांवर भारतासाठी ही सर्वोत्तम राष्ट्रकुल स्पर्धा ठरली. राष्ट्रकुल स्पर्धेच्या इतिहासात प्रथमच भारताने पदकांचे शतक पार केले. बॅडमिंटनपटूंच्या कामगिरीमुळे हॉकी अंतिम लढतीत ऑस्ट्रेलियाकडून झालेला 0-8 असा दारुण पराभव ब-यापैकी सुसह्य ठरला.इंग्लंडने 37 सुवर्णपदके जिंकून बुधवारी भारताला मागे टाकले होते. भारताप्रमाणेच त्यांनाही गुरुवारी तीन सुवर्णपदके पटकावण्याची संधी होती. पण बॅडमिंटनमध्ये पुरुष एकेरी, मिश्र दुहेरी आणि पुरुष दुहेरी या तिन्ही प्रकारांत त्यांना मलेशियाकडून पराभूत होऊन रौप्यपदकावर समाधान मानावे लागले. उलट ज्वाला-अश्विनीने त्यांच्या सिंगापूरच्या अणि सायनाने तिच्या मलेशियन प्रतिस्पर्ध्याचा पराभव करून भारताच्या झोळीत दोन सुवर्णपदकांची भर टाकली आणि ती 38 वर नेली. स्पर्धेच्या पहिल्या दिवशीचा अपवाद वगळल्यास भारताने प्रत्येक दिवशी सुवर्णपदकांची भर टाकली. केवळ दोनदाच ते तिस-या स्थानावर घसरले होते. ऑस्ट्रेलियाने 74 सुवर्णपदके पटकावून आपले वर्चस्व सिद्ध केले.

खेळ रंगला..

आकर्षक रंगांची उधळण, डोळे दिपावणारा लेझरचा झगमगाट आणि सर्वत्र संगीताने भारलेल्या वातावरणात बारा दिवस सुरू असलेल्या एकोणिसाव्या राष्ट्रकुल स्पर्धेची गुरुवारी मोठ्या जल्लोषात सांगता झाली. इंग्लंडला पदकतालिकेत मागे टाकून पुन्हा दुसरा क्रमांक पटकावल्याने सोहळय़ाचा शेवटही भारतासाठी गोड ठरला. उद्घाटन सोहळ्याप्रमाणेच अवर्णनीय झालेल्या 140 मिनिटांच्या समारोप सोहळ्याचा आनंद जवाहरलाल नेहरू स्टेडियममध्ये उपस्थित 60 हजार क्रीडाप्रेमींच्या साक्षीने घेत राष्ट्रकुल गेम्स फेडरेशनचे आश्रयदाते प्रिन्स एडवर्ड यांनी स्पर्धा संपल्याची अधिकृत घोषणा केली. सांगता समारोपाला विशेष अतिथी म्हणून श्रीलंकेचे अध्यक्ष महिंदा राजपक्षे, भारताचे उपराष्ट्रपती हमीद अन्सारी, पंतप्रधान डॉ. मनमोहन सिंग, काँग्रेस अध्यक्ष सोनिया गांधी, राष्ट्रकुल गेम्स फेडरेशनचे अध्यक्ष मायकल फेनेल उपस्थित होते. बारा दिवस चाललेल्या या क्रीडा कुंभमेळ्यात 71 देशांचे पाच हजारांहून अधिक खेळाडू सहभागी झाले होते. 74 सुवर्णपदकांसह एकूण 177 पदके मिळवत ऑस्ट्रेलियाने स्पर्धेत पहिला क्रमांक पटकावला.राष्ट्रगीताने कार्यक्रमाची सुरुवात झाली. त्यानंतर शालेय आणि महाविद्यालयीन विद्यार्थ्यांनी संगीताच्या तालावर वंदे मातरम् तसेच राष्ट्रध्वजातील अशोकचक्राची प्रतिकृती रेखाटली. त्यानंतर मैत्री आणि शांततेचा संदेश देत सहभागी खेळाडू क्रीडांगणावर दाखल झाले. भारतीय आणि जागतिक संगीताचा मिलाप साधणा-या ‘म्युझिक ऑफ युनिव्हर्सल लव्ह’ या खास मैफलीने उपस्थितांना ठेका धरण्यास भाग पाडले. त्यात संगीतकार तौफिक कुरेशी, ढोलवादक कमाल साबरी, बिक्रम घोष, शिवमणी व राघव सच्चर, गायक कैलाश खेर, सुखविंदर सिंग, इला अरुण, उषा उत्थप, शामक दावर, शंकर महादेवन व सुनिधी चौहान सहभागी झाले होते. दिल्लीच्या मुख्यमंत्री शीला दीक्षित यांच्या उपस्थितीत कार्यक्रमाच्या अखेरच्या टप्प्याला सुरुवात करण्यात आली. त्यांच्या हस्ते स्पर्धेचा ध्वज उतरवून आगामी राष्ट्रकुल स्पर्धेचे आयोजक असणा-या ग्लासगोच्या लॉर्ड प्रोव्होस्ट रॉबर्ट विंटर यांच्याकडे बॅटन रिले सुपूर्द करण्यात आली.

‘हॅट्स ऑफ इंडिया!’

बांधकामात झालेले विलंब तसेच अनेक वादग्रस्त प्रकरणांनी गाजलेल्या राष्ट्रकुल स्पर्धेचा सांगता सोहळा गुरुवारी पार पडला. स्पर्धेच्या यशस्वी आयोजनामुळे राष्ट्रकुल गेम्स फेडरेशनचे (सीजीएफ) अध्यक्ष मायकेल फेनेल थक्क झाले. त्यांनीही ‘हॅट्स ऑफ इंडिया’ अशा शब्दांत आपले मनोगत व्यक्त केले. ‘‘19वी राष्ट्रकुल स्पर्धा खरोखरच वाखाणण्याजोगी झाली. सुरक्षा, वाहतूक आणि अन्य सुविधा उच्च दर्जाच्या होत्या. सर्व स्टेडियम्स जागतिक दर्जाची होती. अ‍ॅथलीट्सनीही भारताच्या आयोजनाबाबत समाधान व्यक्त केले. 826 पदकांसाठी 71 देशांचे अ‍ॅथलीट खिलाडूवृत्तीने लढले. दोन विश्वविक्रमांसह राष्ट्रकुल स्पर्धेत अनेक विक्रम नोंदले गेले. काहींनी राष्ट्रीय विक्रम रचले. संयोजन समितीने अनेक अडथळे पार करून स्पर्धेच्या यशस्वी आयोजनात मोलाची भूमिका बजावली. आता आमचे लक्ष 2014 ग्लासगो राष्ट्रकुल स्पर्धेकडे लागले आहे,’’ असे फेनेल यांनी सांगितले. सर्व सुविधा पुरवल्याबद्दल तसेच कठोर मेहनत घेतल्याबद्दल फेनेल यांनी केंद्र तसेच दिल्ली सरकार आणि संयोजन समितीचे आभार मानले.

शेराला भावपूर्ण निरोप

19 व्या राष्ट्रकुल स्पर्धेचा शुभंकर असणा-या शेराला उपस्थित क्रीडाप्रेमींनी भावपूर्ण निरोप दिला. गायक शानसह सजवलेल्या उघड्या रिक्षातून त्यास क्रीडांगणात आणण्यात आले. त्यानंतर त्याची मिरवणूक काढण्यात आली.

भारताचे 101 पदकविजेते
सुवर्णपदक विजेते
अभिनव बिंद्रा-गगन नारंग (नेमबाजी),
राही सरनोबत-अनिसा सय्यद (नेमबाजी),
अनिल कुमार (कुस्ती),
संजय कुमार (कुस्ती),
रवींदर सिंग (कुस्ती)
गगन नारंग (नेमबाजी),
अनिसा सय्यद (नेमबाजी),
ओमकार सिंग (नेमबाजी),
रेणूबाला चानू (वेटलिफ्टिंग),
राजेंद्र कुमार (कुस्ती),
रवी कुमार (वेटलिफ्टिंग),
विजय कुमार-गुरप्रीत सिंग (नेमबाजी),
गीता देवी (कुस्ती),
ओमकार सिंग-गुरप्रीत सिंग (नेमबाजी),
डोला बॅनर्जी-दीपिका कुमारी-बोंबाल्या देवी (तिरंदाजी),
गगन नारंग-इम्रान हसन (नेमबाजी), ॉ
विजय कुमार (नेमबाजी),
अलका तोमर (कुस्ती),
अनिता (कुस्ती),
ओमकार सिंग (नेमबाजी),
हरप्रीत सिंग-विजय कुमार (नेमबाजी),
गगन नारंग (नेमबाजी),
योगेश्वर दत्त (कुस्ती),
नरसिंग यादव (कुस्ती),
दीपिका कुमारी (नेमबाजी),
हरप्रीत सिंग (नेमबाजी),
राहुल बॅनर्जी (तिरंदाजी),
सुशील कुमार (कुस्ती),
सोमदेव देववर्मन (टेनिस),
कृष्णा पुनिया (अ‍ॅथलेटिक्स),
अनू राज सिंग-हीना सिद्धू (नेमबाजी),
ए. सी. अश्विनी-मनजीत कौर-सिनी जोस-मनदीप कौर (अ‍ॅथलेटिक्स),
मनोज कुमार (बॉक्सिंग),
अचंता शरथ कमाल-शुभजीत साहा (टेबलटेनिस),
सुरंजॉय सिंग (बॉक्सिंग),
परमजीत समोता (बॉक्सिंग),
ज्वाला गुत्ता-अश्विनी पोनप्पा (बॅडमिंटन),
सायना नेहवाल (बॅडमिंटन).
रौप्यपदक विजेते
सोनिया चानू (वेटलिफ्टिंग),
सुखेन देय (वेटलिफ्टिंग),
दीपक शर्मा-ओमकार सिंग (नेमबाजी),
लज्जाकुमारी गोस्वामी-तेजस्विनी सावंत (नेमबाजी),
अशेर नोरिया-रंजन सोढी (नेमबाजी),
अभिनव बिंद्रा (नेमबाजी),
राही सरनोबत (नेमबाजी),
मनोज कुमार (कुस्ती),
तिरंदाजी संघ,
रंजन सोढी (नेमबाजी),
निर्मला देवी (कुस्ती),
मिश्र बॅडमिंटन सांघिक,
आशिष कुमार (जिमनॅस्टिक),
पुरुष नेमबाजी ट्रॅप,
टेबलटेनिस महिला संघ,
बबिता कुमारी (कुस्ती),
विजय कुमार (नेमबाजी),
अनुज कुमार (कुस्ती),
सानिया मिर्झा (टेनिस),
विकास गौडा (अ‍ॅथलेटिक्स),
प्रजूषा मल्लिआकल (अ‍ॅथलेटिक्स),
जोगिंदर कुमार (कुस्ती),
हरवंत कौर (अ‍ॅथलेटिक्स),
समरेश जंग-चंद्रशेखर कुमार (नेमबाजी),
तेजस्विनी सावंत (नेमबाजी),
हीना सिद्धू (नेमबाजी),
पुरुष हॉकी संघ.

ब्रॉँझपदक विजेते
संध्या राणी देवी (वेटलिफ्टिंग),
श्रीनिवास राव (वेटलिफ्टिंग),
सुनील कुमार (कुस्ती),
धरमेंदर दलाल (कुस्ती),
प्रशांत कर्मकर (जलतरण-अपंग),
महिला तिरंदाजी संघ,
सुमन कुंडू (कुस्ती),
आशिष कुमार (जिमनॅस्टिक),
सुधीर कुमार (वेटलिफ्टिंग),
गुरप्रीत सिंग (नेमबाजी),
पुरुष तिरंदाजी संघ,
नेमबाजी महिला संघ,
कविता राऊत (अ‍ॅथलेटिक्स),
गुरप्रीत सिंग (नेमबाजी),
हरमिंदर सिंग (अ‍ॅथलेटिक्स),
आर. अभिषेक-ए. अमलराज (नेमबाजी),
मोनिका देवी (वेटलिफ्टिंग),
डोला बॅनर्जी (तिरंदाजी),
मानवजीत सिंग संधू (नेमबाजी),
जयंता तालुकदार (तिरंदाजी),
अनिल कुमार (कुस्ती),
मानवजीत सिंग संधू (नेमबाजी),
तेजस्विनी सावंत-मीना कुमारी (नेमबाजी),
अमनदीप सिंग (बॉक्सिंग),
जय भगवान (बॉक्सिंग),
दिलबाग सिंग (बॉक्सिंग),
सीमा अंतिल (अ‍ॅथलेटिक्स),
विजेंदर सिंग (बॉक्सिंग),
महिला रिले टीम,
पुरुष रिले टीम,
काशिनाथ नाईक (अ‍ॅथलेटिक्स),
रणजित महेश्वरी (अ‍ॅथलेटिक्स),
समरेश जंग (नेमबाजी),
सुमा शिरूर-कविता यादव (नेमबाजी),
मौमा दास-पौलमी घटक (टेबलटेनिस),
अचंता शरथ कमाल (टेबलटेनिस).

व्हिडिओ सौजन्य-दूरदर्शन

Marathi Online News

शेअर:

Facebook

Twitter

Google

MySpace Google+

प्रतिक्रियां (1 पोस्टेड ):

rohan on 14 October, 2010 05:45:21 PM

u maid us proud/.....
Rohan

तुमची प्रतिक्रिया पोस्ट करा

नाव:

ईमेल:

वेबसाइट:

आपण मराठीतूनही प्रतिक्रिया लिहू शकता. त्यासाठी प्रथम Ctrl+g दाबा. त्यानंतर लिहावयाच्या मराठी शब्दाचे स्पेलिंग रोमन इंग्रजीत लिहा व Space bar दाबा. तुम्ही लिहिलेला शब्द मराठीत दिसू लागेल. उदाहरणार्थ, prahaar असे टाइप करून Space bar दाबल्यास `प्रहार’ असे उमटेल. पुन्हा इंग्रजीत लिहावयाचे असेल तर Ctrl+g दाबून हवा तो मजकूर टाइप

प्रतिक्रिया: