नवी दिल्ली- इंडियन प्रिमियर लीग अर्थात आयपीएल टी-20 क्रिकेट स्पर्धेत रविवारी दिल्ली डेअरडेव्हिल्स आणि पुणे वॉरियर्स या संघांतील सामना पावसामुळे रद्द झाला. हे दोन्ही संघ प्ले ऑफ फेरीत प्रवेश करू शकणार नाही हे अगोदरच निश्चित झाल्याने हा सामना म्हणजे निव्वळ औपचारिकताच होती.

दिल्ली डेअरडेव्हिल्स संघाचा कर्णधार जेम्स होप्सने नाणेफेक जिंकून प्रथम फलंदाजी करण्याचा निर्णय घेतला. मात्र दहा षटके खेळून झाली असता पाऊस पडू लागल्याने सामना रद्द करावा लागला.

पाऊस सुरू झाला तेव्हा दिल्लीने तीन बाद 56 धावा केल्या होत्या. कॉलिन इनग्राम 13, तर वाय वेणूगोपाल रेड्डी शून्य धावेवर खेळत होते. 

आयपीएल स्पर्धेतील आत्तापर्यंतचे निकाल तसेच वेळापत्रक पाहण्यासाठी क्लिक करा... http://www.prahaar.in/sports/indinpremerleg/39764.html