ऑस्ट्रेलियन ओपन स्पर्धेच्या मिश्र दुहेरीच्या उपांत्य फेरीत तर पुरुष दुहेरीच्या अंतिम फेरीत पेसने धडक मारली.

मेलबर्न- भारताच्या लिएंडर पेससाठी गुरुवारचा दिवस अतिशय बहारदार ठरला. ऑस्ट्रेलियन ओपन स्पर्धेच्या मिश्र दुहेरीच्या उपांत्य फेरीत तर पुरुष दुहेरीच्या अंतिम फेरीत पेसने धडक मारली.

पुरुष दुहेरीमध्ये बीगर मानांकित पेसने त्याचा झेक प्रजासत्ताकचा जोडीदार रॅडेक स्टेपनेकच्या साथीने दुस-या मानांकित मॅक्स मिर्नी व डॅनिएल नेस्टर यांचा 2-6 6-4 6-4  असा पराभव करत अंतिम फेरी गाठली. दोन तास चाललेल्या या सामन्यात पेस-स्टेपनेक यांनी बहारदार खेळाचे प्रदर्शन केले. अंतिम फेरीत पेस-स्टेपनेक यांचा सामना अग्रमानांकित अमेरिकेच्या ब्रायन बंधूंशी होणार आहे.

मिश्र दुहेरीमध्ये पेसने त्याची रशियन जोडीदार एलेना वेस्निनाच्या साथीने भारताच्या रोहन बोपण्णा व त्याची अमेरिकन जोडीदार लिसा रेमंड यांचा पराभव केला. अवघ्या तासभरातच पेस-वेस्निनाने बोपण्णा-रेमंडचा 6-2 6-2 असा सरळ सेटमध्ये पराभव करत उपांत्यफेरीत प्रवेश केला.

Marathi Online News