भारत-पाकिस्तान यांच्यादरम्यान शांती टेनिस सामन्यासाठी भारताच्या रोहन बोपण्णासोबत खेळण्यास अजूनही उत्सुक असल्याचे पाकिस्तानच्या ऐसाम-उल-हक कुरेशी याने सांगितले.

कराची- भारत-पाकिस्तान यांच्यादरम्यान शांती टेनिस सामन्यासाठी भारताच्या रोहन बोपण्णासोबत खेळण्यास अजूनही उत्सुक असल्याचे पाकिस्तानच्या ऐसाम-उल-हक कुरेशी याने सांगितले.

यापूर्वी बोपण्णा-कुरेशी या भारत-पाकिस्तान जोडीने एकत्र खेळताना उत्कृष्ठ खेळ केला आहे. मात्र नुकत्याच झालेल्या ऑस्ट्रेलियन ओपनस्पर्धेत बोपण्णा भारताच्या महेश भूपतीच्या साथीने खेळल्यामुळे कुरेशीला दुस-या जोडीदारसोबत या स्पर्धेत उतरावे लागले.

भारत-पाकिस्तान यांच्यातील संबंध सुधारण्यासाठी बोपण्णा आणि कुरेशी सामना खेळण्यासाठी उत्सुक असून दोघेही यासाठी प्रयत्न करत असल्याचे कुरेशीने सांगितले. 

" सुरक्षेच्या कारणास्तव हा सामना होईल की नाही यात शंका आहे, मात्र आम्ही सरकारला पत्र लिहीले असून यासाठी परवानगी मागितली आहे. हे शक्य झाल्यास आम्हाला त्वरीत तशी योजना आखता येईल" असे कुरेशी म्हणाला.

Marathi Online News