हार आणि प्रहार

एकंदरीत कालचे उद्धव ठाकरे यांचे भाषण दिशाहीन, विस्कळीत आणि कोणत्याही ठोस मुद्दय़ाला स्पर्श न करणारं असं होतं. साहेबांना त्यांच्या अशा स्थितीत सभेला आणून उद्धव यांनी स्वत:ची किंमत कमी करून घेतली आहे. मला आठवतं, 2004 च्या निवडणुकांच्या वेळी साहेबांना राज्यात प्रचारदौरा करायचा होता. त्यावेळी साहेबांचा दौरा होऊ नये, असा प्रयत्न करणारे उद्धव ठाकरे आज स्वत:च्या स्वार्थासाठी मात्र साहेबांना हालअपेष्टा देत आहेत, हे पाहून सर्वसामान्य शिवसैनिकाचा जीव तीळ तीळ तुटत होता. तिकिटांची आमिषे दाखवून गर्दी जमा करण्याचा आणि असंबद्ध हातवारे करून जोश आणण्याचा प्रयत्न केला, तरी कालचे उद्धव यांचे भाषण म्हणजे `उसने अवसान'च होते.