पुणे: जबरदस्तीने विवाह केल्यानंतर पत्नीसोबतच्याच शरीरसंबंधाचे अश्लील व्हिडिओ व्हायरल करण्याची धमकी देत पतीने तब्बल १० लाख रुपये उकळल्याचा धक्कादायक प्रकार समोर आला आहे.
पीडीत २२ वर्षीय तरुणी अन् आरोपी एकमेकांना ओळखत होते. सौरभने तरुणीला वेळोवेळी लग्न करण्याचा आग्रह केला. त्यानंतर तिच्यासोबत जबरदस्तीने शरीरसंबंध ठेवले. तिच्याशी ऑक्टोबर २०२१ मध्ये जबरदस्तीने रजिस्टर विवाहही केला.
विवाहानंतर तो त्यांचे अश्लील व्हिडिओ सोशल मीडियावर व्हायरल करण्याची धमकी देऊ लागला. त्यासाठी त्याने तब्बल १० लाख रुपये देखील तरुणीकडून उकळले. हा प्रकार झाल्यानंतरही तिला आपल्या घरी राहण्यासाठी जबरदस्ती केली. यावर तिने नकार दिल्यानंतर तिच्या कुटंबियांना शिवीगाळ करुन तो वेळोवेळी पाठलाग करत होता. याप्रकरणी पुण्याच्या भवानी पेठ परिसरात राहणाऱ्या सौरभ सुपेकर याच्याविरोधात समर्थ पोलीस ठाण्यात गुन्हा दाखल करण्यात आला आहे.