देव हा अनुभवण्याचा विषय

जीवन संगीत : सद्गुरू वामनराव पै


सर्व ठिकाणी देव भरलेला आहे हे बरोबर आहे, पण सर्व ठिकाणी Life आहे, सर्व ठिकाणी जंतू आहेत. खरे सांगायचे, तर या जगात किती जंतू आहेत? अब्जावधीपेक्षा कितीतरी जास्त जंतू या जगात आहेत. जगांत किती जंतू आहेत याची कल्पना जरी केली तरी सर्व जगच जंतूंनी भरलेले आहे, हे आपल्या लक्षात येईल. सर्व ठिकाणी जीव आहे व हा जीव ब्रह्म आहे. "जीवो एवं ब्रह्म इति वेदांत डिंडिमा". जीव ब्रह्म आहे, देव आहे. जीव आत्मा आहे, परमात्मा आहे. सगळे काही जीवच आहे.


"ज्ञानदेव म्हणे भजा आत्मदेवा" इथे लक्षात घ्या की, देव अत्यंत उपलब्ध आहे, म्हणजे तो सर्व ठिकाणी आहे. तो अत्यंत उपयुक्त आहे व तो अत्यंत सूक्ष्म आहे. काही लोक असा म्हणतात की, जिथे हवा आपल्याला दिसत नाही, आकाश आपल्याला दिसत नाही, तर देव कसा दिसणार? आपले मन आपल्याला दिसत नाही तिथे देव आपल्याला कसा दिसणार? हे लोक विचारच करत नाहीत. देव अत्यंत सूक्ष्म आहे व तो डोळ्यांनी पाहण्याचा विषयच नाही. लोकांना हे माहीत नाही. हवा डोळ्यांना दिसत नाही, तिला स्पर्श करता येत नाही. पाचही ज्ञानेंद्रियांनी तिचा अनुभव घेता येईलच असे नाही, तरी हवा आहे. पाण्यात बुडणार माणूस हवा मिळत नाही म्हणून कासावीस होतो. गुरुत्वाकर्षण शक्ती आहे की नाही? डोळ्यांना दिसते का? नाही. कानांना ऐकू येते का? नाही. ज्ञानेंद्रियांना सहज अनुभवाला येते का? नाही. तरी ती आहे, म्हणून जग चाललेले आहे.


"चाले हे शरीर कोणाचिये सत्ते" गुरुत्वाकर्षण शक्ती नसेल, तर जग चालणार नाही. हवा, प्रकाश, पाणी अथवा पृथ्वी तत्त्व नसेल, तर हे जग चालणार नाही. हे सगळे पाहिजे. सगळीच पंचमहाभुते पाहिजेच. तुम्हाला एक लक्षात येईल की हे सगळे दिव्य आहे. देव हा शब्दसुद्धा दिव्यापासूनच आलेला आहे. जगांत सर्व जे आहे ते दिव्य आहे. हे जे दिव्य तत्त्व आहे त्या ठिकाणी दिव्य शक्ती, दिव्य आनंद, दिव्य जाणीव, दिव्य ज्ञान, दिव्य प्रतिभा आहे. त्याला पाहता येत नाही, तो दिसणार नाही कारण तो पाहण्याचा विषयच नाही. मी या आधीही उदाहरण दिलेले आहे की, ज्याला गुरुत्वाकर्षण शक्तीचा अनुभव घ्यायचा असेल, त्याने चौथ्या मजल्यावरून उडी मारावी. एवढे करण्यापेक्षा एखादी गोष्ट वरून खाली टाकली तरी ती खालीच पडेल, याला कारण गुरुत्वाकर्षण शक्ती. गुरुत्वाकर्षण शक्तीचा शोध न्यूटनने असाच लावला.


पूर्वी ती होतीच म्हणून त्याला Invention नाही, तर Discovery म्हणतात. पूर्वी ती होतीच, मात्र नंतर ती कळली. मी नेहमी सांगतो की, गुरुत्वाकर्षण शक्ती is next to God. इतकी महत्त्वाची आहे की, जग हे त्यामुळेच सुरळीत आहे. गुरुत्वाकर्षण शक्ती कोणाची सत्ता? देवाची सत्ता. "चाले हे शरीर कोणाचिये सत्ते" किंवा "तुझिया सत्तेने वेदांसी बोलणे" म्हणजेच देवाची सत्ता.

Comments
Add Comment

Diwali News: चित्रगुप्त पूजेला लेखणीची पूजा का केली जाते? जाणून घ्या

Diwali News: दिवाळीच्या सणाच्या पार्श्वभूमीवर, रोषणाई, दिवे, फटाके, फराळ, नवीन कपडे परिधान करणे याशिवाय दिवाळीतील

Dhanatrayodashi 2026 : धनत्रयोदशीला या 7 वस्तू खरेदी करणे टाळा ! घरात येऊ शकते अशुभता

Dhanatrayodashi 2026 : दिवाळीच्या पाच दिवसांच्या उत्सवाची सुरुवात धनत्रयोदशीपासून होते. हिंदू धर्मात या दिवसाला विशेष

Vasubaras 2026 : दिवाळीच्या पहिल्या सणाचा गोड आणि पवित्र आरंभ; जाणून घ्या तारीख आणि मुहूर्त

दिवाळीच्या आनंदोत्सवाची सुरुवात होते ती अतिशय पवित्र अशा 'वसुबारस' या सणाने. 'दिन दिन दिवाळी, गायी म्हशी ओवाळी' असे

Diwali 2026 : दिवाळीत देवी लक्ष्मीची कृपा मिळवायची असेल तर टाळा 'या' 7 चुका !

Diwali 2026 : दिवाळी सण मोठा नाही आनंदाला तोटा. हिंदू धर्मातील दिवाळी हा अत्यंत महत्त्वाचा आणि आनंदाचा सण आहे. दिवाळीत

Diwali 2026 : घरात होईल सुख-समृद्धीचे आगमन, दिवाळीत करा हे 6 पारंपरिक उपाय

Diwali 2026 : घरात सकारात्मक वातावरण आणि सुख-शांती टिकून राहावी, यासाठी भारतीय संस्कृतीत अनेक पारंपरिक प्रथा सांगितल्या

Diwali 2026 : दिवाळी 8 की 9 नोव्हेंबरला ? जाणून घ्या लक्ष्मीपूजेची तारीख, शुभ मुहूर्त आणि पूजेची संपूर्ण विधी

Diwali 2026 Date and Laxmi Puja Muhurat : दिवाळी हा हिंदू धर्मातील अत्यंत महत्त्वाचा आणि आनंदाचा सण मानला जातो. या दिवशी माता लक्ष्मी आणि