मुंबई: भारतीय क्रिकेट संघाला २२ सप्टेंबरपासून ऑस्ट्रेलियाविरुद्ध ३ सामन्यांची वनडे मालिका खेळायची आहे. या मालिकेसाठी दोन्ही संघांची घोषणा करण्यात आली आहे. मात्र या मालिकेआधी टीम इंडियाच्या एका खेळाडूला न्यायालयाच्या चकरा माराव्या लागल्या.
या खेळाडूवर घरगुती हिंसाचार प्रकरणात गुन्हा दाखल आहे. दरम्यान, या खेळाडूला न्यायालयाकडून मोठा दिलासा मिळाला आहे. न्यायालयाने या खेळाडूच्या पत्नीने केलेल्या हिंसाचार आरोप प्रकरणात जामीन दिला आहे.
न्यायालयात सादर झाला टीम इंडियाचा हा खेळाडू
वनडे वर्ल्डकपआधी भारताचा स्टार गोलंदाज मोहम्मद शमीला मोठा दिलासा मिळाला आहे. कोलकाताच्या न्यायालयाने त्याची पत्नी हसीन जहाँने केलेल्या घरगुती हिंसाचार प्रकरणात त्याला जामीन मंजूर केला आहे. शमीचा मोठा भाऊ मोहम्मद हसीबला मंगळवारी न्यायालयाने जामीन मंजूर केला.
मोहम्मद शमीवर केले होते गंभीर आरोप
मार्च २०१८मध्ये मोहम्मद शमीच्या पत्नीने घरगुती हिंसाचाराचे प्रकरण दाखल केले होते. आपल्या तक्रारीत तिने शमीवर शारिरीक अत्याचार केल्याचा आरोप केला होता. पोलिसांनी या प्रकरणात शमी आणि त्याचा मोठा भाऊ यांची चौकशी केली होती आणि दोघांविरुद्ध अटक वॉरंट जारी केला होता.
ो