मुंबई: विश्वचषकातील(world cup 2023) सामने दिवसेंदिवस अधिकच रोमहर्षक होत चालले आहेत. तसेच पॉईंट्स टेबलचाही खेळ बदलत आहे. टीम इंडियाने(team india) आपले सुरूवातीचे ३ सामने जिंकल्यामुळे ते पॉईट्स टेबलमध्ये अव्वल स्थानावर आहेत तर न्यूझीलंडही आपले तीन सामने जिंकत दुसऱ्या स्थानावर आहे. विश्वचषकातील १५व्या सामन्यात या स्पर्धेतील दुसरा धक्कादायक निकाल पाहायला मिळाला.
श्रीलंका आणि ऑस्ट्रेलियासारखे मजबूत संघाना एकतर्फी हरवणाऱ्या दक्षिण आफ्रिकेला मंगळवारी नेदरलँड या छोट्या संघाने तगडा धक्का दिला. या निकालाचा परिणाम पहिल्या चार संघावर झाला नाही मात्र तळात असलेल्या नेदरलँडने ऑस्ट्रेलियाला धक्का देत खाली पाठवले.
द. आफ्रिकेला हरवत नेदरलँडने पॉईंट्स टेबलमध्ये केवळ खातेच खोलले नाही तर ८वे स्थान मिळवले. तर ऑस्ट्रेलियाला नवव्या स्थानावर ढकलले. कारण नेट रनरेटच्या तुलनेत नेदरलँड ऑस्ट्रेलियापेक्षा सरस आहे.
श्रीलंका सगळ्यात तळाशी
पॉई्ंट्स टेबलमध्ये श्रीलंका हा एकमेव देश आहे ज्यांचे अद्याप विश्वचषकात विजयी खाते उघडलेले नाही. कारण त्यांच्या संघाने अद्याप एकही सामना जिंकलेला नाही. यामुळे श्रीलंका सगळ्यात खालच्या स्थानावर आहे. पॉईंट्स टेबलमध्ये तिसऱ्या स्थानावर द. आफ्रिका आहे तर पाकिस्तान चौथ्या स्थानावर आहे. गतविजेता इंग्लंड या यादीत ५व्या स्थानावर आहे तर अफगाणिस्तान ६व्या, बांगलादेश ७व्या आणि नेदरलँड्स ८व्या तर ऑस्ट्रेलिया ९व्या स्थानावर आहे. श्रीलंकेचा संघ दहाव्या स्थानावर आहे.
आता विश्वचषकातील १६वा सामना आज न्यूझीलंड आणि अफगाणिस्तान यांच्यात खेळवला जाणार आहे. पॉईंट्स टेबलमध्ये न्यूझीलंड दुसऱ्या तर अफगाणिस्तान पाचव्या स्थानावर आहे. नुकताच अफगाणिस्तानच्या संघाने गतविजेत्या इंग्लंडला पराभवाचा धक्का दिला. त्यामुळे न्यूझीलंड संघालाही त्यांच्यापासून जरा बचके राहत खेळ करावा लागेल.