कोलकाता: भारताने विश्वचषकातील(world cup 2023) आपला विजयरथ दक्षिण आफ्रिकेविरुद्ध(south africa) कायम राखला आहे. भारताने आपल्या आठव्या सामन्यात दक्षिण आफ्रिकेवर तब्बल धावांनी विजय मिळवला. भारताने पहिल्यांदा फलंदाजी करताना विराट कोहलीच्या दमदार शतकाच्या जोरावर ५ बाद ३२६ धावा केल्या होत्या. त्यानंतर आफ्रिकेचा संपूर्ण संघ धावांवर गडगडला.
भारताने पहिल्यांदा फलंदाजी करताना ५ बाद ३२६ धावा केल्या. यात विराट कोहलीचे शतक खास ठरले. आपल्या वाढदिवसाच्या दिवशी कोहलीने वनडेतील ४९वे शतक ठोकत सचिन तेंडुलकरच्या विक्रमाशी बरोबरी केली. भारताचा कर्णधार रोहित शर्माने ४० धावा केल्या तर शुभमन गिलने २३ धावा केल्या. त्यानंतर तिसऱ्या स्थानावर आलेल्या विराट कोहलीने १०१ धावांची जबरदस्त खेळी केली. यात त्याने १० चौकार ठोकले. तर श्रेयस अय्यरने त्याला चांगली साथ दिली. अय्यरने ७७ धावा ठोकल्या.
त्यानंतर आलेल्या के एल राहुलने ८ धावा केल्या. तर सूर्यकुमार यादवने २२ धावांची खेळी केली. दक्षिण आफ्रिकेकडून मार्को जेसन, लुंगी एनगिडी, कागिसो रबाडा, केशव महाराज, तबरेझ शाम्सी यांनी प्रत्येकी एक विकेट घेतला.
त्यानंतर भारताने दिलेले ३२७ धावांचे आव्हान घेऊन दक्षिण आफ्रिकेचा संघ मैदानात उतरला. मात्र भारताचे गोलंदाज जबरदस्त मारा करत राहिले आणि आफ्रिकेचा संपूर्ण संघ केवळ ८३ धावाच करू शकला. रवींद्र जडेजाने या सामन्यात पाच विकेट घेत आफ्रिकेच्या फलंदाजांना सळो की पळो करून सोडले.
आफ्रिकेकडून एकही फलंदाजांला चांगली कामगिरी करता आलेली नाही. क्विंटन डी कॉकने ५ धावा केल्या. टेम्बा बावुमाने ११, रासी वॅन डेर डुसेन १३, एडन मार्करमने ९ धावा केल्या. डेविड मिलरने ११ धावांची खेळी केली. तर मार्को जेन्सनने १४ धावा केल्या.