मुंबई : बॉलीवूड अभिनेत्री सनी लिओनी (Sunny Leone) आता आणखी एक भूमिका बजावण्यासाठी सज्ज झाली असून ती एका नवीन भूमिकेत पाऊल ठेवणार आहे. देशभरातील महत्त्वाकांक्षी मॉडेल्सना प्रेरणा देणा-या आगामी रिअॅलिटी शो 'ग्लॅम फेम' मध्ये ती जज बनणार आहे.
हा एक अनोखा प्लॅटफॉर्म आहे ज्याचा उद्देश भारतातील नव्या मॉडेल्सच्या स्वप्नांना वेगळ्या उंचीवर घेऊन जाणं आहे. सनी लिओनी हिला जज होण्याबद्दलचा विचारले असता ती म्हणते, 'मॉडेल'ला प्रेरणा देऊन त्यांना त्यांच्या करीयरमध्ये पुढे जाण्यासाठी नक्कीच आम्ही मदत करणार आहोत. या शो मधून पुढच्या पिढीच्या महत्त्वाकांक्षी मॉडेल्सना मार्गदर्शन करण्याची अनोखी जबाबदारी माझ्यावर आहे आणि यासाठी मी उत्सुक आहे. माझा विश्वास आहे की मॉडेलने सध्याचा ट्रेंड समजून घेतला पाहिजे आणि हे व्यासपीठ प्रतिभावान तरुणांना स्फूर्ती देणार आहे.
या ग्राऊंडब्रेकिंग शोमध्ये अभिनेता नील नितीन मुकेश आणि ईशा गुप्ता यांच्यासमवेत सनी लिओनी एका प्रतिष्ठित जजिंग पॅनेलचा भाग असेल. 'ग्लॅम फेम' स्पर्धकांना या उल्लेखनीय व्यक्तींच्या सखोल अंतर्दृष्टीचा लाभ घेण्याची अनोखी संधी प्रदान करते. याव्यतिरिक्त, रोहित खंडेलवाल, संतोषी शेट्टी, दिनेश शेट्टी आणि प्रसिद्ध फॅशन आणि लाइफस्टाइल फोटोग्राफर डब्बू रतनानी यांसारखे मार्गदर्शक याचा भाग बनणार आहेत.
व्हॉटवर प्रॉडक्शन आणि कृष्णा कुंज प्रॉडक्शनची सहनिर्मिती असलेला 'ग्लॅम फेम' लवकरच जिओ सिनेमावर प्रदर्शित होणार आहे. हा शो महत्त्वाकांक्षी मॉडेल्सना तज्ञांकडून शिकण्याची आणि स्वतःचे मार्ग तयार करण्याची संधी देऊन मॉडेलिंग उद्योगात बदल घडवून आणेल. सनी लिओनी अनुराग कश्यपच्या निओ-नॉयर थ्रिलर 'केनेडी', राहुल भट्ट अभिनीत आणि जॅकी श्रॉफ, प्रियामणी आणि सारा अर्जुनसह तिचा तमिळ पदार्पण, 'कोटेशन गँग' साठी उत्साहित आहे.