छूमंतर : कविता आणि काव्यकोडी

एकदा मोठी गंमत झाली
जादूगाराने जादू केली

जादूने मी हादरून गेलो
गुडघ्याएवढा बुटका झालो

रस्त्यात भेटली शाळेतली मुलं
म्हणाली बघा आलंय खुळं

खो-खो सारखी हसत सुटली
म्हणाली याची पाटी फुटली

घरी आलो मी रडत रडत
कडी वाजवली उड्या मारत

‘‘आई म्हणाली, काय झालं?”
तिलाही पटकन रडूच आलं

तिनं घेतलं मला जवळ
जादूने लगेच काढला पळ

काव्यकोडी - एकनाथ आव्हाड


१) तो भाऊ, ती बहीण
ते पुस्तक, ते फूल
तो कोळी, ती कोळीण
ते झाड, ते मूल

हा, ही, हे, जो, जी, जे
मी, तू, त्या, तो, ती, ते
नामाऐवजी हे वापरतात
याला काय म्हणती बरे ?

२) मांजराचे नाव ऐकताच
तो होई घामाघूम
मांजर समोर येताच
तो बिळात ठोके धूम

गणरायाच्या समोर मात्र
फारच खाई भाव
या मुषकाचे सांगा
घराघरातले नाव ?

३) एक सूर्य
आठ ग्रह
त्या ग्रहांचे
येती उपग्रह

खूप लघुग्रह
अनेक धूमकेतू
या साऱ्यांच्या समूहास
काय म्हणणार तू?

उत्तर -


१) सर्वनाम
२) उंदीर
३) सूर्यमाला
Comments
Add Comment

तंत्रज्ञानाच्या युगात माणुसकीचे भान

- गोष्ट लहान, मोठा अर्थ; शिल्पा अष्टमकर आजचे युग हे विज्ञान आणि तंत्रज्ञानाचे युग आहे. मोबाईल, इंटरनेट, सोशल मीडिया,

झऱ्यांचा उगम कसा होतो?

- विज्ञानकथा; प्रा. देवबा पाटील पाण्याच्या निर्मळ झऱ्यासारखा शिवम मित्रांना माहिती सांगत होता. त्याचे मित्रही ते

मदत

-  कथा; रमेश तांबे एके दिवशी मी समुद्रावर फिरायला गेलो होतो. संध्याकाळचे सहा वाजले होते. सूर्य अस्ताला जाण्याच्या

खर्च

- प्रतिभारंग; प्रा. प्रतिभा सराफ साहित्य अकादमीच्या कार्यक्रमात मी निमंत्रित होते. तो कार्यक्रम अहमदाबादला होता.

क्षण कसोटीचे

- गोष्ट लहान, मोठा अर्थ; शिल्पा अष्टमकर मानवी जीवन म्हणजे सुख-दुःख, यश-अपयश, आशा-निराशा, संधी-अडचणी आणि चढ-उतारांनी

जान है तो जहान है!

- प्रतिभारंग, प्रा. प्रतिभा सराफ चहा बरोबर बाजूला भरपूर ओले खोबरे आणि कोथिंबीर घातलेले पोहे खायला घेतले आणि