New Year Welcome : स्वागत नववर्षाचे - कविता आणि काव्यकोडी

आले नवीन वर्ष,
झाला आम्हांस हर्ष
हसू आणून गाली,
साधू आम्ही उत्कर्ष

गाऊ नवीन गाणी,
बोलू मधाळ वाणी
बंधुता, मानवतेची,
सांगू नवी कहाणी

ज्ञानास अंत नाही,
शिकूया नवीन काही
घेऊ उंच भरारी,
बागडू दिशांना दाही

अन्यायाला वाचा फोडू,
न्यायासाठी लढू
विज्ञानाचे पाईक होऊन,
प्रगतिपथावर चढू

कष्टावर श्रद्धा ठेवू,
मदतीचा हात होऊ
नवध्यासाच्या या पर्वाला,
चला सामोरे जाऊ

नव्या नव्या या गोष्टी,
देती नवीन दृष्टी
नववर्ष स्वागताला,
आतूर झाली सृष्टी

काव्यकोडी
एकनाथ आव्हाड


१) दही घुसळून त्यात
घालतात पाणी
तयार होणारे पेय
रूचकर, बहुगुणी

वायूनाशक, पित्तशामक
शीतलता देते
अन्न पचवायला
मदत कोण करते ?

२) गव्हाच्या जातीतील
हे धान्य ओबडधोबड
गव्हापेक्षा हलके
पचण्यास मात्र जड

औषधातही याचा
उपयोग करतात बरं
आहारातल्या धान्याचं
नाव काय खरं?

३) लाव्हारस थंड होऊन
तयार हा होतो
भूपृष्ठाच्या खाली वर
मग दिसून येतो

ग्रॅनाईट हे सुद्धा
त्याचेच एक नाव
ओळखा या खडकाला
काय म्हणतात राव?

उत्तर -

१) ताक
२) सातू
३) अग्निजन्य खडक
Comments
Add Comment

तंत्रज्ञानाच्या युगात माणुसकीचे भान

- गोष्ट लहान, मोठा अर्थ; शिल्पा अष्टमकर आजचे युग हे विज्ञान आणि तंत्रज्ञानाचे युग आहे. मोबाईल, इंटरनेट, सोशल मीडिया,

झऱ्यांचा उगम कसा होतो?

- विज्ञानकथा; प्रा. देवबा पाटील पाण्याच्या निर्मळ झऱ्यासारखा शिवम मित्रांना माहिती सांगत होता. त्याचे मित्रही ते

मदत

-  कथा; रमेश तांबे एके दिवशी मी समुद्रावर फिरायला गेलो होतो. संध्याकाळचे सहा वाजले होते. सूर्य अस्ताला जाण्याच्या

खर्च

- प्रतिभारंग; प्रा. प्रतिभा सराफ साहित्य अकादमीच्या कार्यक्रमात मी निमंत्रित होते. तो कार्यक्रम अहमदाबादला होता.

क्षण कसोटीचे

- गोष्ट लहान, मोठा अर्थ; शिल्पा अष्टमकर मानवी जीवन म्हणजे सुख-दुःख, यश-अपयश, आशा-निराशा, संधी-अडचणी आणि चढ-उतारांनी

जान है तो जहान है!

- प्रतिभारंग, प्रा. प्रतिभा सराफ चहा बरोबर बाजूला भरपूर ओले खोबरे आणि कोथिंबीर घातलेले पोहे खायला घेतले आणि