मुंबई : शहरात स्वत:च हक्काचं घरं असण्याचं अनेकांच स्वप्न असतं. मात्र घरांच्या वाढत्या किंमती पाहता सर्वसाामान्य नागरिक म्हाडाच्या घरांवर अवलंबून असतात. अलीकडेच मुंबई कोकण मंडळाने २ हजार २६४ घरांसाठी लॉटरी (Mhada Lottery) जाहीर केली होती. तर उद्या याबाबत सोडत काढली जाणार आहे.
ठाण्यातील काशीनाथ घाणेकर नाट्यगृहात दुपारी १ वाजेच्या सुमारास म्हाडा कोकण मंडळ घरांचा सोडत कार्यक्रम पार पडणार आहे. मुख्यमंत्री देवेंद्र फडणवीस (CM Devendra Fadnavis) आणि उपमुख्यमंत्री एकनाथ शिंदे (Eknath Shinde) आणि अजित पवार (Ajit Pawar) यांच्या हस्ते लॉटरीची सोडत काढली जाणार आहे.
दरम्यान, सोडत जाहीर झाल्यानंतर अर्जदार म्हाडाच्या अधिकृत वेबसाइटवर https://housing.mhada.gov.in/ जाऊन त्यांचे नाव पाहू शकणार आहेत. वेबसाइटवर जाऊन त्यांना अॅप्लीकेशन नंबर टाकावा लागणार आहे. त्यानंतर अर्जदाराला त्याचे नाव लकी ड्रॉसाठी लागलं की नाही हे समजणार आहे. (Mhada Lottery)
कोणत्या भागात घरांचा समावेश?
ठाणे, कल्याण, टिटवाळा, पालघर, रायगड, रत्नागिरी, ओरस, वेंगुर्ला आणि मालवण सारख्या भागात म्हाडा कोकण मंडळ घरांची सोडत असणार आहे.