मुंबई: आयपीएल २०२५च्या १४व्या सामन्यात गुजरात टायटन्सने रॉयल चॅलेंजर्स बंगळुरू संघाला ८ विकेटनी हरवले. या सामन्याचा हिरो ठरला साई सुदर्शन आणि जोस बटलर. जोस बटलर नाबाद राहिला आणि त्याने ७३ धावांची खेळी केली. मात्र साई सुदर्शनने गुजरातसाठी मोमेंट सेट केले आणि ४९ धावांची खेळी केली. साई सुदर्शन सातत्याने आयपीएलमध्ये आपला जलवा दाखवत आहे.
गेल्या ७ डावांवर नजर
साई सुदर्शनच्या गेल्या ७ डावांवर नजर टाकल्यास त्यात एक शतक आणि ४ अर्धशतकांचा समावेश होतो. एकदा तो अर्धशतक बनवण्यापासून चुकला तर एकदाच साईला १० पेक्षा कमी धावसंख्या करता आली. ७ डावांत साई सुदर्शनने ४४४ धावा केल्यात. म्हणजेच ८.५ कोटी किंमतींत त्याने आयपीएलमध्ये अशी कमाल केलीये जी महागडे क्रिकेटरही करू शकले नाहीत.
गेल्या ७ डावांतील खेळी
65(39)
84*(49)
6(14)
103(51)
74(41)
63(41)
49(36)
या हंगामात दुसऱ्या स्थानावर साई सुदर्शन
या हंगामात आयपीएलमध्ये सर्वाधिक धावा करणाऱ्या फलंदाजांबाबत बोलायचे झाल्यास साई सुदर्शन दुसऱ्या स्थानावर आहे. पहिल्या स्थानावर लखनऊचा निकोलस पूरन आहे. त्याने ३ सामन्यांत आतापर्यंत १८९ धावा केल्या आहेत. तर साई सुदर्शनने ३ सामन्यात १८६ धावा केल्यात.