मुंबई: दिल्ली येथून श्रीनगरच्या दिशेने जात असलेल्या फ्लाईट 6E2142ला रस्त्यातच गंभीर परिस्थितीचा सामना करावा लागला. उड्डाणादरम्यान, दिल्ली येथून श्रीनगरच्या दरम्यान रस्त्यात बर्फाळ पाऊस तसेच विजांचा कडकडाट झाला. यामुळे विमानात जोरजोरात ओरडण्याचा आवाज येत होता. या दरम्यान, पायलटने एटीसी श्रीनगरला इर्मजन्सीची सूचना दिली आणि थोड्या वेळात हे विमान एअरपोर्टवर सुरक्षित लँड करण्यात आले.
फ्लाईटमध्ये एकूण २२७ प्रवासी प्रवास करत होते. खराब हवामान असतानाही पायलट आणि क्रू यांनी वेळीच सावधगिरी बाळगत विमान सुरक्षितपणे साडेसहा वाजण्याच्या सुमारास श्रीनगर एअरपोर्टवर लँड केले. सर्व प्रवासी आणि विमान कर्मचारी पूर्णपणे सुरक्षित आहेत. दरम्यान, विमानाच्या पुढील भागाला नुकसान पोहोचले आहे.
इंडिगो एअरलाईनने या विमानाला एअरक्राफ्ट ऑन ग्राऊंड घोषित केले आहे. यामुळे हे विमान तांत्रिक तपासणी आणि दुरुस्तीसाठी बेसप्लेन राहील.