नवी दिल्ली: ऑपरेशन शील्डअंतर्गत आता ३१ मेला सीमेलगतच्या राज्यांमध्ये जम्मू-काश्मीर, पंजाब, राजस्थान, गुजरात, हरियाणा आणि केंद्रशासित प्रदेश चंदीगडमध्ये मॉक ड्रिल केले जाणार आहे. याआधी हे मॉक ड्रिल २९ मेला होणार होते मात्र प्रशासकीय कारणांमुळे हे स्थगित करण्यात आले होते.
३१ मेला सीमेनजीकच्या राज्यांमध्ये होणार मॉक ड्रिल
याआधी ७ मेला ऑपरेशन सिंदूरच्या काही तास आधी देशभरात मॉक ड्रिल करण्यात आली होती. त्या रात्री भारतीय सैन्याने पाकव्याप्त काश्मीरमध्ये दहशतवाद्यांच्या नऊ ठिकाणांना लक्ष्य करत मोठे ऑपरेशन केले होते. ऑपरेशन शील्ड अंतर्गत होणाऱ्या मॉक ड्रिलचा उद्देश सीमेनजीकच्या राज्यांमध्ये आपात्कालीन परिस्थितीशी लढण्यासाठीच्या तयारीची तपासणी करणे आहे. यात एनडीआरएफ, सिव्हिल डिफेन्स, स्थानिक पोलीस, आरोग्य विभाग आणि इतर आपात्कालीन एजन्सीचा समावेश असेल.
मॉक ड्रिलमध्ये अनेक एजन्सीचा समावेश असणार
प्रशासकीय अधिकाऱ्यांच्या म्हणण्यांनुसार या वेळेस मॉक ड्रिल व्यवस्थित आणि व्यावहारिक पद्धतीने लागू केला जाणार आहे. यामुळे आपात्कालीन परिस्थितीत लोकांची सुरक्षा निश्चित केली जाईल. ऑपरेशन शील्डअंतर्गत दुसरी सिव्हील डिफेन्स एक्सरसाईज ३१ मेला पाच राज्यांमध्ये आयोजित केली जाणार आहे.