नेरोबी येथून आलेल्या केनेडी चेगे या केनियाच्या नागरिकाला एअर इंटेलिजन्स युनिटच्या अधिकाऱ्यांनी मुंबईत छत्रपती शिवाजी महाराज आंतरराष्ट्रीय विमानतळावर अटक केली. केनेडी चेगेकडून ५२ कोटी रुपयांचे कोकेन जप्त करण्यात आले. कंबरेचा पट्टा आणि काफ सपोर्टर यात लपवलेल्या पाकिटांमधून केनेडी चेगेने कोकेनची तस्करी केली होती. एअर इंटेलिजन्स युनिटने केनेडी चेगेच्या सामानातून ५१९४ ग्रॅम कोकेन जप्त केले. या जप्त केलेल्या कोकेनची आंतरराष्ट्रीय बाजारातील किंमत ५१.९४ कोटी रुपये एवढी आहे. जप्तीनंतर केनेडी चेगे विरोधात एनडीपीएस कायद्यांतर्गत गुन्हा नोंदवण्यात आला आहे. या प्रकरणात पुढील कायदेशीर कारवाई सुरू आहे.