२२ कॅरेट प्रति ग्रॅम सोने किंमत १० रूपयांनी घसरून ८९४५ रुपये झाले आहे.तर प्रति तोळा किंमत ८९४५० रूपयांवर पोहोचले आहेत. १८ कॅरेट सोन्याच्या प्रति ग्रॅम दरात ८ रुपयांनी घट होत किंमत ७३१९ रुपयांवर पोहोचली आहे. तर प्रति तोळा किंमत ७३१९० रुपयांवर पोहोचली आहे. बडोदा व अहमदाबाद या शहरातील २४ कॅरेट प्रति ग्रॅम किंमत ९७६३ रूपये वगळता मुंबईसह इतर प्रमुख शहरांत सोने प्रति ग्रॅम ९७५८ रूपये आकारले जात आहे. काल सोन्यात २८ रूपयांनी घट झाली होती. त्यामुळे सोने गुंतवणूकीत सर्वसामान्यांना सुवर्णसंधी असल्याचे मानले जात आहे.
एमसीएक्स (Multi Commodity Exchange MCX) वरील सोन्याच्या निर्देशांकात घसरण झाली आहे. सोने निर्देशांक ०.६५% घसरून दर पातळी ९६५३८.०० रूपये आहे. रॉयटर्सच्या ताज्या कमोडिटी अहवालानुसार,०५०२ जीएमटी वेळेपर्यंत (Greenwhich MeanTime) भारतीय वेळेनुसार सकाळी साडेदहा वाजेपर्यंत स्पॉट गोल्ड ०.६% घसरून ३,३०७.७२ $ प्रति औंसवर आला होता. अमेरिकन सोन्याचा वायदा ०.८% घसरून $३,३२७.५० वर आला. दुपारपर्यंत गोल्ड फ्युचर (Gold Future) निर्देशांकात ०.१२ टक्क्याने घसरण झाली होती. यावरून सोन्याच्या दरात घसरण चालूच आहे. मंगळवारी सोन्याच्या किमतीत घसरण झाली, कारण अमेरिकन डॉलरमध्ये वाढ झाल्याने बाजारातील सहभागी लंडनमध्ये अमेरिका आणि चीनमधील व्यापार चर्चेच्या दुसऱ्या दिवसाच्या तपशीलांची वाट पाहत होते. भू-राजकीय आणि आर्थिक अनिश्चिततेच्या काळात सोन्याचे आकर्षण वाढते आणि व्याजदर कमी असताना सोन्याच्या दरात अधिक हालचाली होतात.
चांदीच्या दरात मात्र सलग दुसऱ्यांदा वाढ कायम !
चांदीच्या दरात आज प्रति ग्रॅम किंमत १ रूपयाने वाढत १०९ रूपये दरावर पोहोचली आहे तर प्रति किलो चांदी १०९००० रूपयांवर पोहोचली आहे. यामुळे प्रति किलो चांदीचा भाव तब्बल १००० रुपयाने वाढला आहे. चांदीच्या एमसीएक्सवरील निर्देशांकात ०.४२ % घसरण होत किंमत पातळी १०६६३५.०० आहे. स्पॉट सिल्व्हर ०.५% घसरून $३६.५२ प्रति औंसवर आला आहे. विशेषतः चांदीच्या दरात प्रमुख चलनांच्या तुलनेत डॉलरची कमकुवत किंमत,वाढलेला भू-राजकीय तणाव आणि ईव्हीआणि सौर क्षेत्रांकडून मजबूत औद्योगिक मागणी यामुळे आणखी वाढ अपेक्षित आहे.